संतप्त जमावाने घटनास्थळाची नासधूस करत रस्त्यावर मारला ठिय्या.

सांगली :

sangli crime news : सांगलीत 9 वर्षाच्या बालिकेसोबत अश्लील चाळे करत लैंगिक कृत्य : नराधम रेकॉर्डवरील गुन्हेगारास पोलिसांनी ठोकल्या बेड्या : शहरातील एका परिसरात राहणार्‍या नऊ वर्षाच्या बालिकेला मोबाईल दाखवण्याचे आमिष दाखवून पडक्या सार्वजनिक शौचालय मध्ये तीन घेऊन जात तिच्याशी अश्लील कृत्य करत लैंगिक अत्याचार केले. सदरची घटना हि मंगळवार दि. 08 ऑक्टोबर रोजी दुपारी साडे तीन वाजण्याच्या सुमारास घडली. घटना उघडकीस येथेच पीडितेच्या आईने संजयनगर पोलीस ठाण्यात धाव घेत फिर्याद दाखल केली.  आईच्या फिर्यादीवरून पोलिसांनी ईश्वर महादेव कांबळे (वय 26 रा. संजयनगर) याला अटक केली. त्याला आज न्यायालयापुढे उभे केले असता दोन दिवसांची पोलीस कोठडी सुनावली आहे. दरम्यान, घटनेची माहिती मिळताच परिसरातील संतप्त जमावाने घटनास्थळाची मोडतोड केली. यावेळी सामाजिक कार्यकर्त्यांनी रस्त्यावर ठिय्या मारत संशयितांवर कठोर कारवाई करण्याची मागणी केली आहे.

sangli crime news : सांगलीत 9 वर्षाच्या बालिकेसोबत अश्लील चाळे करत लैंगिक कृत्य : नराधम रेकॉर्डवरील गुन्हेगारास पोलिसांनी ठोकल्या बेड्या : \

याबाबत पोलिसांकडून मिळालेली अधिक माहिती अशी कि, नराधम ईश्वर कांबळे हा पोलिसांच्या रेकॉर्डवरील गुन्हेगार असून तो संजयनगर परिसरात राहतो. पीडित नऊ वर्षाची मुलगी हि मंगळवारी दुपारी साडे तीन वाजण्याच्या सुमारास घराबाहेर खेळत होती. यावेळी संशयित कांबळे हा तिच्याजवळ गेला. मुलीला मोबाईल दाखवण्याचे आमिष दाखवून परिसरातील एका पडक्या सार्वजनिक शौचालय मध्ये घेऊन जात तिच्याशी अश्लील कृत्य करण्यास सुरवात केली.

यावेळी परिसरातच राहणार्‍या एका व्यक्तीने सदरचा प्रकार पहिला. यावेळी संशयित कांबळे हा तेथून पळून गेला. पीडित मुलगी हि घरी गेली. यावेळी संबंधिताने घडलेला प्रकार पीडितेच्या आई आणि वडिलांना सांगितला. यावेळी आईने मुलीला विश्वासात घेऊन चौकशी केली असता संशयित कांबळे याने तिच्याशी लैंगिक कृत्य केल्याची धक्कादायक माहिती पुढे आली. यानंतर पीडितेच्या आईने संजयनगर पोलीस ठाण्यात धाव घेत फिर्याद दाखल केली. दरम्यान, परिसरातील नागरिकांनी संशयित कांबळे याला पकडून पोलिसांच्या स्वाधीन केले. यानंतर पोलिसांनी पोक्सो अंतर्गत लैंगिक छळाचा गुन्हा दाखल केला आहे.

संतप्त जमावाने मोडतोड करत मारला ठिय्या…

नऊ वर्षाच्या चिमुरडीवर अत्याचार झाल्याच्या घटनेनं संजयनगर परिसरात संतापाची लाट उसळली होती. ज्याठिकाणी गुन्हा घडला त्याठिकाणी मोठा जमाव जमला. सदरच्या जमावाने बंद पडलेल्या सार्वजनिक शौचालयाची मोडतोड करत कठोर कारवाईसाठी रस्त्यावरच ठिय्या मारला. यावेळी संजयनगर पोलीस ठाण्याचे पोलीस निरीक्षक बयाजीराव कुरळे यांनी धाव घेत नागरिकांशी संवाद साधत कठोर कारवाईचे आश्वासन दिले. दरम्यान, ज्याठिकाणी अत्याचाराची घटना घडली त्याच परिसरात गांजाची झाडे नागरिकांना मिळाली. संजयनगर परिसरात गांजासह अमली पदार्थांची नशा करणार्‍या तरुणांमध्ये वाढ झाली आहे. तातडीने यावर कठोर कारवाई कारवाई यासाठी हि गांजाची झाडे तोडून पोलीस निरीक्षकांना देण्यात आली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.