खा.विशाल पाटील, हर्षवर्धन पाटील, अमित पाटील, बजरंग पाटील आदींचे अर्ज

vasantdada patil karkhana sangli news : ‘वसंतदादा’ च्या 21 जागांसाठी 144 अर्ज : येथील वसंतदादा शेतकरी सहकारी साखर कारखाना निवडणुकीत उमेदवारी अर्ज दाखल करण्याच्या अंतिम दिवशी 21 जागांसाठी 144 उमेदवारी अर्ज दाखल केले आहेत. यामध्ये खासदार विशाल पाटील, हर्षवर्धन प्रतिक पाटील, बजरंग पाटील, प्रविण पाटील यांच्यासह आजी-माजी संचालकांचा समावेश आहे. दरम्यान, दाखल झालेल्या अर्जांची छाननी सोमवार दि. 10 रोजी होणार आहे.

vasantdada patil karkhana sangli news : ‘वसंतदादा’ च्या 21 जागांसाठी 144 अर्ज

येथील वसंतदादा शेतकरी सहकारी साखर कारखान्याच्या निवडणुकीचा कार्यक्रम सुरू आहे. वसंतदादा कारखान्याच्या 21 संचालक पदांसाठी निवडणूक होत आहे. कारखान्याचे 36 हजार मतदार आहेत. यामध्ये सांगली, मिरज, आष्टा, भिलवडी, तासगाव या पाच गटांमधून प्रत्येकी 3 असे 15, उत्पादक सहकारी संस्था, बिगर उत्पादक सहकारी संस्था व पणन संस्था सभासद मतदारसंघ क्रमांक 2, तसेच अनुसूचित जाती किंवा जमाती मागासवर्गीय 1, भटक्या-विमुक्त जाती व जमाती, विशेष मागास प्रवर्गामधून 1 असे 21 संचालक निवडून द्यायचे आहेत.

वसंतदादा साखर कारखाना सध्या 10 वर्षे मुदतीसाठी दत्त इंडिया कंपनीस चालविण्यास दिला आहे.

सध्याचा आठवा हंगाम ते घेत आहेत. अर्ज दाखल करण्याचा शुक्रवारी शेवटचा दिवस होता. 21 जागांसाठी 144 उमेदवारी अर्ज दाखल केले आहेत. दाखल झालेल्या अर्जांची छाननी सोमवार दि. 10 फेबु्रवारीला होणार आहे. तर वैध अर्जांची प्रसिध्दी दि. 11 रोजी होणार आहे. तर अर्ज माघार घेण्याची मुदत दि. 11 ते दि. 25 फेब्रुवारी आहे. अंतिम उमेदवारांची यादी 27 फेबु्रवारी होणार असून आवश्यक वाटल्यास दि. 9 मार्चला मतदान होणार आहे.

गटनिहाय दाखल झालेले प्रमुख अर्ज असे ः

मिरज गटातून तानाजी पाटील, दौलतराव शिंदे, शिवाजी कदम, संभाजी मेंढे. आष्टा गटातून सुनील आवटी, अशोक पाटील, कौशिक वग्याणी, रघुनाथ पाटील, विशाल चौगुले, संदीप आडमुठे, मीनाक्षी पाटील, भिलवडी गट- अमित पाटील, दादासाहेब पाटील, नानासाहेब गोंदिल. तासगाव गट- शिवाजी पाटील, रावसाहेब लंगडे, भरत साळुंखे, गजानन खुजट. उत्पादक सहकारी संस्था गट ः स्वप्नील पाटील, विशाल पाटील. अनुसूचित जाती-जमाती मतदार गट- विशाल चंदूरकर, प्रकाश कांबळे. महिला मतदार गट- सुमित्रा खोत, अनिता वग्याणी, अलौकिका घोरपडे, शोभा पाटील, कमल पाटील. इतर मागासवर्गीय गट- अंकुश पाटील, संभाजी मेंढे, प्रकाश फल्ले. भटक्या विमुक्त जाती व मागास प्रवर्ग गट- सुरेश पाटील, भीमराव हुलवान, गजानन शेंडगे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.