vita crime news : विट्यात नशेचे इंजेक्शन विकणारे दोघेजण गजाआड : विटा शहरात युवक व कॉलेजमध्ये शिक्षण घेणार्‍या विद्यार्थ्यांना शरीर पिळदार बनविन्याच्या नावाखाली इंजेक्शन नशेसाठी विक्री करीत असल्याच्या तक्रारीवरुन ओकार धनराज पवार (वय 28, रा. विवेकानंदनगर विटा, ता.खानापुर) व बादल अब्दुल पिरजादे (रा.विटा, ता.खानापूर, जि. सांगली) या दोघांना विटा पोलिसांनी अटक केली असून त्यांच्याकडून 17 हजार 500 रुपये किंमतीच्या मेफ्टामाईन सल्फेट इंजेक्शनच्या 35 सिलबंद बाटल्या जप्त केल्या आहेत, अशी माहिती पोलीस निरीक्षक धनंजय फडतरे यांनी दिली.

vita crime news : विट्यात नशेचे इंजेक्शन विकणारे दोघेजण गजाआड

याबाबत विटा पोलिसांनी दिलेली माहिती अशी की, पोलीस अधीक्षक संदिप घुगे, अप्पर पोलीस अधीक्षक रीतु खोकर, विटा उपविभागीय पोलीस अधिकारी विपुल पाटील यांनी विटा पोलीस ठाणे हद्दीमध्ये अंमली पदार्थ, नशेच्या गोळ्या, इंजेक्शन विरोधी कारवाई करण्याचे आदेश विटा पोलिसांना दिले होते. त्याप्रमाणे विटा पोलीस ठाणेचे पोलीस निरीक्षक धनंजय फडतरे यांनी विटा पोलीस ठाणेकडील गुन्हे प्रकटीकरण पथकास सुचना दिल्या होत्या.

विटा पोलीस ठाणेकडील गुन्हे प्रकटीकरण पथकाचे कर्मचारी उत्तम माळी व महेश देशमुख यांना एक युवक विटा शहरामध्ये मानवी शरीराला अपायकारक करणार्‍या औषधी बाटल्या विक्री करण्याच्या उद्देशाने जवळ बाळगून असल्याची टीप मिळाली होती. त्यानुसार पोलीस निरीक्षक धनंजय फडतरे आणि विटा पोलिसांच्या पथकाने क्रांतीसिंह नाना पाटील पुतळ्याजवळ एक युवक विनानंबरच्या पांढर्‍या रंगाच्या गाडीवर बसलेला दिसला. त्याचा संशय आल्याने त्यास पोलीस पथकाने शिताफीने ताब्यात घेवुन त्याची कसून चौकशी केली असता त्याने त्याचे नाव ओंकार धनराज पवार असे असल्याचे सांगितले.

vita-crime-news-two-people-selling-drug-injections-in-vita-arrested

त्याची अंगझडती घेतली असता त्याच्याकडे मानवी शरीराला अपायकारक करणार्‍या मेफ्टामाईन सल्फेट इंजेक्शन आयपी असे लिहिलेल्या एकुण 35 सिलबंद औषधी बाटल्या बाटल्या मिळुन आल्या. त्या इंजेक्शनच्या बाटल्या कोणाकडुन आणल्या याबाबत विचारले असता त्याने या बाटल्या बादल अब्दुल पिरजादे (रा.विटा) याचेकडुन घेतल्या असुन पुढे ज्यादा दराने विक्री करीत असल्याचे सांगीतले. त्यांच्याकडून 17 हजार 500 रुपये किंमतीच्या मेफ्टामाईन सल्फेट इंजेक्शनच्या 35 सिलबंद बाटल्या आणि 40 हजार रुपये किंमतीची एक पांढर्‍या रंगाची होन्डा क्टीव्हा दुचाकी गाडी असा एकूण 57 हजार 500 रुपये किमतीचा मुद्देमाल जप्त करण्यात आला आहे. पुढील तपास पोलीस उपनिरीक्षक जयश्री कांबळे करीत आहेत.

विटा शहरात युवक व कॉलेजमध्ये शिक्षण घेणारे विद्यार्थी हे शरीर पिळदार बनविन्याच्या नावाखाली सदर इंजेक्शनचा वापर करुन नशा करीत असलेच्या तक्रारीवरुन ही कारवाई केली आहे. हे इंजेक्शनच्या बाटल्या या कोठून खरेदी केल्या आहेत त्याच्या मूळापर्यंत जावुन सखोल तपास करणार आहे.
धनंजय फडतरे (पोलीस निरीक्षक)

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.