:-अमोल पाटील ( अध्यक्ष  बिरनाळे फाउंडेशन सांगली.)

sagar birnale news : सांगलीच्या मातीत तळपणारा बिरनाळे घराण्याचा कर्तृत्ववान वारसदार : सांगलीच्या सामाजिक, शैक्षणिक आणि सहकार क्षेत्राला समृद्ध करणार्‍या बिरनाळे घराण्याची परंपरा ही केवळ नावाची परंपरा नाही; तर ती आहे जनसेवेची, समाजबांधिलकीची, कष्टाची आणि विकासाची परंपरा. या उज्ज्वल परंपरेचा वारसा आपल्या खांद्यावर घेऊन तो अधिक व्यापक करण्यासाठी धडाडीने वाटचाल करणारे युवा नेतृत्व म्हणजे सांगली-मिरज-कुपवाड महानगरपालिकेचे स्वीकृत नगरसेवक सागर बबनराव बिरनाळे.

sagar birnale news : सांगलीच्या मातीत तळपणारा बिरनाळे घराण्याचा कर्तृत्ववान वारसदार

आज त्यांच्या वाढदिवसानिमित्त त्यांच्या कर्तृत्वाचा मागोवा घेताना एक गोष्ट प्रकर्षाने जाणवते-घराण्याला लाभलेला वारसा त्यांनी केवळ जपलेला नाही, तर आपल्या कार्यातून त्याला नवा आयाम दिला आहे.

स्वर्गीय माजी आमदार आप्पासाहेब बिरनाळे यांचे नातू आणि माजी जिल्हा परिषद उपाध्यक्ष बबनराव बिरनाळे यांचे चिरंजीव म्हणून सागर बिरनाळे यांच्यावर लहानपणापासूनच सार्वजनिक जीवनाचे संस्कार झाले. समाजासाठी जगणे, सामान्य माणसाच्या अडचणी समजून घेणे आणि उपलब्ध साधनांचा उपयोग समाजहितासाठी करणे, ही शिकवण त्यांना घरातूनच मिळाली.

औषधनिर्माणशास्त्राची पदविका घेतल्यानंतर स्वतःच्या वैयक्तिक प्रगतीचा मार्ग निवडण्याची संधी त्यांच्यासमोर होती. मात्र त्यांनी ‘माझ्या प्रगतीसोबत समाजाचीही प्रगती झाली पाहिजे’ हा विचार स्वीकारला. त्यामुळे शिक्षण, सहकार, उद्योग, आरोग्य आणि सामाजिक कार्य या विविध क्षेत्रांमध्ये त्यांनी आपल्या कार्याचा ठसा उमटवण्यास सुरुवात केली.

सहकारातून आर्थिक बळ देणारे नेतृत्व

बिरनाळे घराण्याच्या सामाजिक वाटचालीतील महत्त्वाचा अध्याय म्हणजे सहकार क्षेत्र. आप्पासाहेब बिरनाळे सहकारी बँकेचे चेअरमन म्हणून सागर बिरनाळे यांनी 44 वर्षांची परंपरा असलेल्या संस्थेला आधुनिक काळाच्या गरजांशी जोडण्याचा प्रयत्न केला.

त्यांच्या नेतृत्वाखाली बँकेचा व्यवसाय 225 कोटी रुपयांपर्यंत पोहोचला. शेतकरी, व्यापारी, उद्योजक आणि सर्वसामान्य नागरिकांना आर्थिक आधार देताना सहकाराच्या माध्यमातून ग्रामीण अर्थव्यवस्थेला बळ देण्याचा प्रयत्न त्यांनी केला.

त्यांच्यासाठी सहकार म्हणजे केवळ आर्थिक व्यवहार नव्हे; तर माणसामाणसांना जोडणारी आणि समाजाच्या आर्थिक उन्नतीला दिशा देणारी चळवळ आहे.

शिक्षणाच्या ज्ञानदीपाला दिले व्यापक रूप

शिक्षण हे समाजपरिवर्तनाचे सर्वात प्रभावी माध्यम आहे, या विचारातून श्री. वसंतराव बंडूजी पाटील ट्रस्टचे विश्वस्त म्हणून सागर बिरनाळे यांनी शिक्षण क्षेत्रातही भरीव योगदान दिले आहे.

आयुर्वेदिक मेडिकल कॉलेज, फार्मसी, बी.एड., आर्किटेक्चर, पब्लिक स्कूल आणि वसतिगृह अशा विविध शैक्षणिक उपक्रमांच्या माध्यमातून सुमारे 4 हजार विद्यार्थ्यांचा आणि 550 शिक्षकांचा परिवार त्यांच्या कार्याशी जोडला गेला आहे.

ही केवळ आकडेवारी नाही; या प्रत्येक विद्यार्थ्यामागे एक स्वप्न आहे, प्रत्येक शिक्षकामागे एक कुटुंब आहे आणि प्रत्येक शैक्षणिक संस्थेमागे समाजाच्या भविष्याची आशा आहे. त्या आशेला आकार देण्याचे काम सागर बिरनाळे सातत्याने करत आहेत.

शिक्षणासोबत रोजगारनिर्मितीला जोड देणे, ही त्यांच्या कार्याची आणखी एक महत्त्वाची बाजू आहे. ज्ञानाच्या मंदिरातून बाहेर पडणार्‍या तरुणांच्या हाताला रोजगार मिळावा आणि त्यांच्या कुटुंबांना आर्थिक स्थैर्य लाभावे, यासाठी त्यांनी प्रयत्न केले आहेत.

आरोग्यसेवेतून माणुसकीचा स्पर्श

समाजसेवेचे खरे मोजमाप संकटाच्या काळात होते. गरजूंच्या चेहर्‍यावर दिलासा आणण्यासाठी केलेली छोटीशी मदतही त्यांच्यासाठी मोठी असते.

आयुर्वेदिक मेडिकल कॉलेजच्या धर्मादाय रुग्णालयाच्या माध्यमातून गरजू रुग्णांना अल्पदरात उपचार तसेच मोफत भोजनाची सुविधा उपलब्ध करून देण्यात आली आहे. आरोग्यसेवा ही केवळ व्यवसाय न राहता ती माणुसकीची सेवा व्हावी, या भावनेतून हे काम पुढे नेले जात आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.