काजू, बदाम, रोकडसह 2 लाख 70 हजारांचा मुद्देमाल लंपास.

sangli crime news : सांगली मार्केट यार्डातील ड्रायफ्रूट्सचे दुकान फोडले :  शहरातील कृषी उत्पन्न बाजार समितीत असलेले सुलतान ट्रेडर्स नावाचे ड्रायफ्रूट्सचे दुकान मध्यरात्री चोरटयांनी फोडून घरफोडी केली. दुकानात ठेवलेले दहा किलो काजू, 25 किलो बदाम आणि सहा हजार रुपये रोख असा एकूण 2 लाख 69 हजार रुपयांचा मुद्देमाल अज्ञात चोरट्यांनी लंपास केला. सदर चोरीची घटना हि मंगळवार दि. 21 जानेवारी रोजी पहाटेच्या सुमारास झाली. या प्रकरणी फैजल फारुख सुतारीया (वय 32 रा. मिरज) यांनी विश्रामबाग पोलीस ठाण्यात फिर्याद दिली आहे.

sangli crime news : सांगली मार्केट यार्डातील ड्रायफ्रूट्सचे दुकान फोडले

याबाबत अधिक माहिती अशी कि, फैजल सुतारीया यांचे सांगलीतील वसंतदादा पाटील कृषी उत्पन्न बाजार समितीच्या आवारात गल्ली नंबर एक मध्ये सुलतान ट्रेडर्स नावाने ड्रायफ्रूट्सचे दुकान आहे. सोमवार दि. 20 जानेवारी रोजी रात्री साडे नऊ वाजण्याच्या सुमारास सुतारीया हे नेहमीप्रमाणे दुकान बंद करून घरी गेले होते. यावेळी अज्ञात चोरट्यांनी पहाटेच्या सुमारास दुकानाचे शटर कटावणीने उचकटून दुकानात प्रवेश केला.

दुकानात ठेवलेले 70 हजार 200 रुपये किमतीचे दहा किलो काजूच्या नऊ पिशव्या, 1 लाख 93 हजार 600 रुपये किमतीचे बदामच्या 25 किलोच्या 11 पिशव्या आणि सहा हजार रुपये रोख रक्कम घेऊन पलायन केले. मंगळवारी सकाळी साडे सहा वाजण्याच्या सुमारास सदर चोरीची घटना निदर्शनास येताच सुतारीया यांनी विश्रामबाग पोलीस ठाण्यात फिर्याद दिली.

त्यांच्या फिर्यादीवरून पोलिसांनी अज्ञात चोरट्यांविरोधात गुन्हा दाखल केला आहे. दरम्यान, उपअधीक्षक प्राणिल गिल्डा यांनी घटनास्थळी भेट देऊन तपासाच्या सूचना दिल्या. मार्केट यार्डात सलग दुसरी चोरीची घटना घडल्याने व्यापार्‍यांमध्ये भीतीचे वातावरण निर्माण झाले आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.