sangli crime news : मेडिकल मधून चोरून नशेच्या गोळ्या विकणारा तरुण जेरबंद  : सांगली : नशेच्या गोळ्यांची वाढीव दराने विक्री करणार्‍या मेडिक दुकानातील कामगारास पोलिसांनी सापळा रचून जेरबंद केले. या तरुणांकडून मानवी शरीरावर अपायकारक करणार्‍या 18 हजार रुपये किंमतीच्या 890 नशेच्या गोळ्या जप्त करण्यात आल्या. या प्रकरि जुनेद शब्बीर शेख (वय 31, रा. हंगड गल्ली, बुधवार पेठ, मिरज) याला अटक करण्यात आली आहे.

sangli crime news : मेडिकल मधून चोरून नशेच्या गोळ्या विकणारा तरुण जेरबंद

तब्बल 890 गोळ्या केल्या जप्त : स्थानिक गुन्हे अन्वेषणची मिरजेत कारवाई.

स्थानिक गुन्हे अन्वेषण विभागाच्या पथकाने मिरजेतील मार्केट परिसरात सदरची कारवाई केली. पोलीस चौकशीत त्याने सदरचा औषध साठा तो कामास असलेल्या मिरजेतील वडगावकर हॉस्पिटलच्या मेडिकलमधून चोरुन आणल्याची कबुली दिली.

जानेवारी महिन्यात महात्मा गांधी पोलीस ठाण्याने कारवाई करीत नशा करण्यासाठी वापरण्यात येणारे मेफेनटर्माइन नावाच्या इंजेक्शन आणि गोळ्यांचा बेकायदा साठा करणार्‍या सांगलीतील एका केमिस्ट शॉपचालकासह त्याच्या दोन साथीदारांनाही अटक करण्यात आली होती. तिघांकडून 6 लाख 16 हजार 641 रुपयांची तब्बल 1507 इंजेक्शन हस्तगत करण्यात आली होती.

पालकमंत्र्यांनी कार्यभार स्विकारल्यावर या प्रकाराला आळा बसावा याकरिता नशामुक्त अभियान सुरु करण्यात आले. त्या पार्श्वभूमीवर पोलिसांनी कारवाईची मोहिम राबविण्यास प्रारंभ केला आहे. मिरज मार्केट परिसरात संशयित नशेच्या गोळ्या विक्रीकरिता आणण्यात असल्याची माहिती स्थानिक गुन्हे अन्वेषणच्या पथकास मिळाली होती. त्यानुसार परिसरात सापळा लावण्यात आला. काही वेळाने संशयित हातात पिशवी घेवून येवून थांबला.

sangli-crime-news-young-jailed-for-selling-drug-pills-by-stealing-from-medical

त्याच्या हालचाली संशयास्पद वाटल्याने पोलिसांनी त्यास ताब्यात घेवून त्याची झडती घेतली असता पिशवीमध्ये 890 नशेच्या गोळ्या आढळून आल्या. वैद्यकीय अधिकार्‍यांच्या सल्लयाशिवाय नशेच्या गोळ्यांची विक्री करत असल्याचे पोलीस चौकशीत स्पष्ट झाल्यामुळे त्याच्यावर अटकेची कारवाई करण्यात आली. नशा करणार्‍या व्यक्तींना तो चोरुन आणलेली औषधे जादा दराने विक्री करणार असल्याचे पोलिसांना आढळून आले. सदरची कारवाई पोलीस निरीक्षक सतीश शिंदे, सहाय्यक पोलीस निरिक्षक नितीन सावंत, जयदीप कळेकर, पोलीस कर्मचारी अमोल ऐदाळे, अतुल माने यांच्यासह पथकाने केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.