सचिव, सहसचिवावर आरोप ; मंडळाची धर्मदाय आयुक्तांकडे धाव.

जनप्रवास : देवराष्ट्रे

SANGLI DEVRASHTRE : यशवंत एज्युकेशन सोसायटी सभासद यादीत फेरफार : देवराष्ट्रे (ता. कडेगांव) येथील यशवंतराव चव्हाण एज्युकेशन सोसायटीच्या सभासद यादीमध्ये फेरहार झाला असून सचिव व सहसचिव यांनी सोसायटीसाठी योगदान असणार्‍या सभासदांची नावे यादीतून वगळून आपल्या नातलगांची, पै- पाहुण्यांची व आपल्या मर्जीतील लोकांची नावे घातली असल्याचा आरोप पत्रकार परिषद घेत सोसायटीचे अध्यक्ष मोहन मोरे, उपाध्यक्ष महादेव महिंद व संचालकांनी केला आहे.

SANGLI DEVRASHTRE : यशवंत एज्युकेशन सोसायटी सभासद यादीत फेरफार

SANGLI DEVRASHTRE : यशवंत एज्युकेशन सोसायटी सभासद यादीत फेरफार : नवमहाराष्ट्राचे शिल्पकार व महाराष्ट्राचे पहिले मुख्यमंत्री स्व. यशवंतराव चव्हाण यांच्या पुढाकारातून ग्रामीण भागातील शेतकर्‍यांच्या व सर्वसामान्य कुटुंबातील विद्यार्थ्यांची शिक्षणाची सोय व्हावी या उद्देशाने देवराष्ट्रे (ता. कडेगांव) येथे यशवंत एज्युकेशन सोसायटी या नावाने शिक्षण संस्था स्थापन करून शिक्षणाची सोय केली आहे. या शिक्षणसंस्थेतून हजारो विद्यार्थ्यानी वेगवेगळ्या क्षेत्रात आपले कर्तुत्व सिद्ध केले आहे.

या संस्थेसाठी गावातील अनेक सर्वसामान्य कुटुंबाचे योगदान राहिले आहे.

संस्था स्थापन झाल्यापासून गावातील सर्वसामान्य कुटुंबातील व्यक्ती सभासद आहेत. दर तीन वर्षांनंतर सोसायटीच्या संचालक मंडळाचे नुतनीकरण करण्यात येत असते त्याची जबाबदारी सचिव संजय मोरे व सहसचिव राजेंद्र शिंदे यांनी घेतली होती त्याचप्रमाणे यावेळीही संचालक मंडळ कार्यकारिणी नुतनीकरणासाठी धर्मादाय आयुक्त सांगली यांच्याकडे अर्ज केला होता. या बदल अर्जाबरोबर मयत सभांसदाची नावे कमी करून उर्वरित सभासदांची यादी दाखल करण्याचे ठरले होते.

काही सभासदांची नावे यादीतून वगळून आपले नातलग, पै – पाहूणे व आपल्या मर्जीतील लोकांची नावे सभासद यादीत घातली आहेत

मात्र सोसायटीचे विद्यमान सचिव संजय मोरे व सहसचिव राजेंद्र शिंदे यांनी संस्थेचे अध्यक्ष, उपाध्यक्ष व संचालक मंडळ यांना अंधारात ठेवून सोसायटीसाठी योगदान देणार्‍या जून्या काही सभासदांची नावे यादीतून वगळून आपले नातलग, पै – पाहूणे व आपल्या मर्जीतील लोकांची नावे सभासद यादीत घातली आहेत असा आरोप सोसायटीचे अध्यक्ष मोहन मोरे, उपाध्यक्ष महादेव महिंद, यांनी केला. यावेळी संचालक आनंदराव मोरे, गोविंद मोरे, विजय कारंडे हे उपस्थित होते.

SANGLI DEVRASHTRE : यशवंत एज्युकेशन सोसायटी सभासद यादीत फेरफार : संचालक मंडळाची धर्मदाय आयुक्तांकडे धाव.

सचिव व सहसचिव यांनी सोसायटीस योगदान असणार्‍या जून्या सभासदांची यादीतून नाव वगळून नवीन आपल्या नातलगांची नावे असलेली यादी दाखल केली ही बाब संचालक मंडळाच्या निदर्शनास आल्यानंतर संचालक मंडळाने धर्मादाय आयुक्त कार्यालय सांगली येथे धाव घेतली आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.