2 लाख 60 हजार 833 मतदारांनी मतदानाचा हक्क बजावला

islampur vidhansabha news : इस्लामपूर विधानसभा मतदारसंघात चुरशीने 74 टक्के मतदान: इस्लामपूर विधानसभा मतदारसंघात चुरशीने 74 टक्के मतदान झाले. 2 लाख 80 हजार 856 मतदारांपैकी 2 लाख 60 हजार 833 मतदारांनी मतदानाचा हक्क बजावला आहे. 12 उमेदवारांचे भवितव्य इव्हीएम मशीनमध्ये बंद झाले. शनिवार दि.23 नोव्हेंबर रोजी मतमोजणी होणार आहे. किरकोळ वाद वगळता कोणताही अनुचित प्रकार घडला नाही.

islampur vidhansabha news : इस्लामपूर विधानसभा मतदारसंघात चुरशीने 74 टक्के मतदान

निवडणुकीसाठी 290 मतदान केंद्रांवर सकाळी 7 वाजता मतदानाला सुरुवात झाली. सायंकाळी 6 वाजेपर्यंत मतदारांनी मताचा हक्क बजावला. इस्लामपूर मतदारसंघात पहिल्या फेरीत 8.13, दुस-या फेरीत 22.26, तिस-या फेरीत 39.02, चौथ्या फेरीत 54.84, पाचव्या फेरीत 69.55, 55 टक्केे मतदान झाले. इस्लामपूर मतदारसंघात तब्बल 12 उमेदवार निवडणुकीसाठी नशीब आजमावत आहेत. तरीही राष्ट्रवादी काँग्रेस शरदचंंद्र पवार पक्षाचे प्रदेशाध्यक्ष, महाविकास आघाडीचे आ.जयंत पाटील व महायुतीचे उमेदवार निशिकांत भोसले-पाटील यांच्यात काटा लढत झाली.

आ.जयंत पाटील यांच्यासाठी दिलीपतात्या पाटील, प्रतिक पाटील, राजवर्धन पाटील यांच्यासह प्रमुख नेते व पदाधिकारी प्रयत्नशील होते. तर निशिकांत पाटील यांच्यासाठी आ.सदाभाऊ खोत, आनंदराव पवार, गौरव नायकवडी, राहुल महाडिक, भीमराव माने, जयवंत पाटील, संजय कोरे यांच्यासह पदाधिकारी परिश्रम घेत होते. राष्ट्रवादी काँग्रेस शरदचंद्र पवार पक्षाचे प्रदेशाध्यक्ष, इस्लामपूर विधानसभा मतदारसंघाचे महाविकास आघाडीचे उमेदवार आ.जयंतराव पाटील यांनी सहकुटुंब साखराळे येथील बुध्द विहारातील मतदान केंद्रावर मतदान केले. त्यांच्यासमवेत त्यांच्या पत्नी सौ.शैलजादेवी पाटील, चिरंजीव प्रतिक पाटील, राजवर्धन पाटील उपस्थित होते.

डॉ.आण्णासाहेब डांगे यांनी वयाच्या 89 व्या वर्षी हॉस्पिटलमध्ये अँडमिट असताना व्हिलचेअरवर येवून इस्लामपूर शहरातील बुथ क्रमांक 97 मध्ये मतदानाचा हक्क बजावला. इस्लामपुर शहरातील उद्योजक प्रकाश तुकाराम वाळवेकर यांच्या एकाच कुटुंबातील 25 मतदारांनी मतदानाचा हक्क बजावत लोकशाही अधिक सदृढ करण्याचा संदेश दिला. पेठ येथे भाजपाचे नेते सम्राट महाडीक, एम.एम. ग्रुपचे अध्यक्ष व रामोशी समाजाचे नेते मोहन मदने यांच्या मार्गदर्शनाखाली पाचशेहून अधिक लाडक्या बहीणींनी रॅली काढत एकगठ्ठा मतदान केले. इस्लामपूर विधानसभा मतदारसंघात मतदानाच्या पार्श्वभूमीवर अधिकारी, कर्मचारी, पोलिस, शिपाई असा 2 हजारहून अधिक कर्मचार्‍यांचा फौजफाटा प्रत्येक मतदान केंद्रावर रवाना करण्यात आला होता.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.