kolhapur crime news : दानोळीत मित्रानेच केला मित्राचा खून: भागीदारीत असलेल्या व्यवसायात मित्र लक्ष घालत नाही आणि व्यवसायात म्हणावे तसे उत्पन्न मिळत नाही. या कारणामुळे मित्रानेच मित्राचा खून केल्याची घटना दानोळी ( ता. शिरोळ) येथे घडली. संतोष शांतिनाथ नाईक ( रा. अंबाबाई मंदिराजवळ दानोळी ) असे खून झालेल्या तरुणाचे नाव आहे. त्याचा मित्र प्रशांत मारुती राऊत (रा. अंबाबाई मंदिराजवळ दानोळी )असे संशयित खून करणार्याचे नाव आहे. दरम्यान खुनाचे नेमके कारण समजू शकले नाही.
kolhapur crime news : दानोळीत मित्रानेच केला मित्राचा खून
याबाबत अधिक माहिती अशी मयत संतोष नाईक आणि खुनाचा आरोप असलेला संशयित प्रशांत राऊत हे दोघे मित्र आहेत. दोघांनी मिळून प्रासा कार्पोरेट ही इम्पोर्ट एक्सपोर्ट करणारी कंपनी काढली होती. या व्यवसायात दोघांनाही काही नफा मिळत नव्हता. तर मयत संतोष नाईक हा या कामात जास्त लक्ष घालत नव्हता.
यामुळे नैराश्यातून संशयित प्रशांत राऊत यांनी काल मध्यरात्रीच्या सुमारास आपला मित्र संतोष नाईक याला गैबी साहेब दर्ग्यासमोरच्या पटांगणावर असलेल्या मराठा मंडळाच्या कार्यालयाजवळ बोलवून घेतले आणि तेथे धारदार शस्त्राने संतोषच्या मानेवर पोटावर वार करून त्याचा खून केला. या घटनेनंतर प्रशांत राऊत हा फरार झाला आहे. या घटनेची माहिती जयसिंगपूर पोलिसांना मिळताच पोलिसांनी घटनास्थळी धाव घेऊन पंचनामा केला.
पोलीस निरीक्षक सत्यवान हाके यांच्या मार्गदर्शनाखाली पोलिसांनी पंचनामा करून मृतदेह शिरोळ येथे वाविच्छेदनासाठी पाठवला. याबाबत जयसिंगपूर पोलिसात नोंद झाली असून, तपास पोलीस निरीक्षक सत्यवान हाके करीत आहेत. दरम्यान खून नेमका कशाच्या कारणावरून झाला. याबाबत अध्याप तरी कारण स्पष्ट झाले नाही. या घटनेमुळे परिसरात खळबळ उडाली आहे. घटनेनंतर संशयित प्रशांत राऊत हा घटनास्थळावरून पसार झाला आहे पोलीस त्याचा शोध घेत आहेत.

Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.



