sangli crime news : कामेरीजवळ भीषण अपघात : दोघे दुचाकीस्वार ठार: कोल्हापूर-पुणे महामार्गांवर कामेरी ता.वाळवा येथे दुचाकीचा भीषण अपघात झाला. अपघातात दुचाकीस्वार सर्जेराव सुदाम कांबळे (वय 35, रा. इंगरूळ ता.शिराळा), अविनाश सर्जेराव दाभाडे (वय 31, रा.तडवळे) या दोघा मित्रांचा जागीच मृत्यू झाला. रविवारी रात्री 11 च्या सुमारास अपघाताचा प्रकार घडला.
sangli crime news : कामेरीजवळ भीषण अपघात : दोघे दुचाकीस्वार ठार
याबाबत पोलिसांकडून मिळालेली माहिती अशी, सोमवार दि.15 डिसेंबर रोजी सर्जेराव सुदाम कांबळे, अविनाश सर्जेराव दाभाडे हे दोघे दुचाकी क्रमांक (एम एच 10 ईसी 9335) वरून कार्यक्रमासाठी गेले होते. कार्यक्रमाहून परतताना रात्री 11 च्या सुमारास कोल्हापूर-पुणे महामार्गांवर कामेरी गावचे विरुध्द दिशेला दुचाकी घेऊन निघाले होते. वाहन विरुध्द दिशेने हयगयीने, रस्त्याच्या परीस्थितीकडे दुर्लक्ष करुन, भरधाव वेगाने चालवून अपघात झाला.
अपघातात सर्जेराव सुदाम कांबळे, अविनाश सर्जेराव दाभाडे या दोघांच्याही डोकीस गंभीर मार लागला. अतिरक्तस्त्राव झाल्याने दोघांचा जागीच मृत्यू झाला. सर्जेराव कांबळे हे इस्लामपूर एसटी डेपो येथे चालक म्हणून सेवेत होते. त्यांनी दोन दिवसाची रजा घेतली होती. त्यांच्या पश्चात पत्नी, मुलगा, मुलगी असा परिवार आहे. तर अविनाश दाभाडे हे शिराळा नगरपंचायत येथे घंटागाडीवर चालक म्हणून काम करत होते. याबाबतची फिर्याद दिपक कांबळे यांनी दिली आहे. अधिक तपास पोलीस उपनिरीक्षक गायकवाड करीत आहेत.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
