sangli crime news : सांगलीत लग्नात बोलावले नाही म्हणून तिघांना लाथाबुक्क्यांनी मारहाण: सांगली : भावाच्या लग्नात बोलावले नसल्याच्या रागातून वाद घालत तिघांना लाथाबुक्क्यांनी बेदम मारहाण करून भांडणे सोडवण्यासाठी आलेल्या तरुणीचा विनयभंग केल्याची घटना घडली. सदरचा प्रकार हा दि. बुधवार दि. 11 डिसेंबर रोजी सकाळी साडे दहा वाजण्याच्या सुमारास कर्नाळ रोडवरील एका लॉन्स मध्ये घडला. या प्रकरणी पीडित तरुणीने सांगली ग्रामीण पोलीस ठाण्यात फिर्याद दिली आहे. पीडितेच्या फिर्यादीवरून पोलिसांनी संशयित जीवन राम सावंत, पवन राम सावंत आणि राम बबन सावंत या दोघांविरोधात गुन्हा दाखल केला आहे.
sangli crime news : सांगलीत लग्नात बोलावले नाही म्हणून तिघांना लाथाबुक्क्यांनी मारहाण
याबाबत पोलिसांकडून मिळालेली अधिक माहिती अशी कि, पीडित तरुणी हि आपल्या कुटुंबियांसह शहरातील एका परिसरात राहते. बुधवारी सकाळी साडे दहा वाजण्याच्या सुमारास कर्नाळ रोडवरील एका लॉन्स मध्ये कौटुंबिक कार्यक्रम सुरु होता. यावेळी संशयित दोघेजण त्याठिकाणी आले.
त्यांनी पीडितेच्या भावाच्या लग्नात गोवा येथे बोलावले नसल्याच्या रागातून पीडितेच्या आजोबांना धक्का देऊन खाली पाडले. यावेळी पीडित तरुणी हि मध्ये आली असता तिचा विनयभंग केला. पीडित मुलीला सोडवण्यासाठी मध्ये आलेल्या तिच्या कुटुंबियांना संशयित तिघांनी लाथाबुक्क्यांनी बेदम मारहाण केली आणि निघून गेले.
घडलेल्या घटनेनंतर पीडित तरुणीने सांगली ग्रामीण पोलीस ठाण्यात फिर्याद दिली. पीडितेच्या फिर्यादीवरून पोलिसांनी संशयित तिघांविरोधात गुन्हा दाखल केला आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
