dakshin bharat jain sabha : दक्षिण भारत जैन सभेतर्फे यड्रावकर, आवाडे, रावसाहेब पाटलांचा सत्कार : दक्षिण भारत जैन सभा संस्कार, शिक्षण, आरोग्य ह्या त्रिसुत्रीवर काम करीत आहे. सध्यस्थीतीला समजातील नवीन पिढीला दिशा देण्याची आवश्यकता आहे. भविष्यातील समाजाच्या मूलभूत गरजा ओळखून आपण सर्वजण काम करुया. समाजातील शेवटच्या घटकांपर्यंत सभेचे काम पोहचविणे हे महत्वाचे आहे. असे प्रतिपादन आमदार डॉ. राजेंद्र पाटील यड्रावकर यांनी केले.
dakshin bharat jain sabha : दक्षिण भारत जैन सभेतर्फे यड्रावकर, आवाडे, रावसाहेब पाटलांचा सत्कार
उदगांव येथे दक्षिण भारत जैन सभेच्या आयोजित सत्कार सोहळ्यात ते बोलत होते. आमदार यड्रावकर, आमदार राहूल आवाडे, जैन समाज अल्पसंख्याक आर्थिक विकास महामंडळ सदस्य रावसाहेब पाटील यांचा सन्मान दक्षिण भारत जैन सभेचे अध्यक्ष भालचंद्र पाटील यांनी केला. कार्यक्रमाचे अध्यक्षस्थानी भालचंद्र पाटील होते.
आम आवाडे म्हणाले, जैन समाजातील मुलांनी गावाची वेस सोडायचे धाडस करायला हवे. तरच समाजाची प्रगती होईल. परिसरातील जैन समाज उत्कृष्ट शेती करतो, तसा उच्च शिक्षित व उद्योजक बनावा यासाठी शिक्षण मंदीरे उभारले पाहिजेत.
रावसाहेब पाटील म्हणाले, समाजातील गरीब मुलांना आर्थिक सहाय्य करण्यासाठी राज्याच्या अल्पसंख्यांक महामंडळ काम करेल. त्याच्या माध्यमातून राज्यातील जैन समाजासाठी काम करण्यात येईल. यावेळी भालचंद्र पाटील, अरविंद मजलेकर, सागर चौगुले, प्रा. आण्णासाहेब क्वाणे यांनी मनोगते व्यक्त केली.
यावेळी कार्यक्रमाची सुरवात णमोकार महामंत्राने सुरु झाली. दिवंगत माजी पंतप्रधान डॉ. मनमोहन सिंह यांना श्रध्दांजली वाहण्यात आली. यावेळी डॉ. महावीर अक्कोळे यांचा त्यांच्या पुस्तकाला राज्यस्तरीय पुरस्कार मिळालेबद्दल सन्मान केला. स्वागत संजय शेटे यांनी केले. प्रास्ताविक राजेंद्र झेले यांनी केले.
यावेळी शांतिनाथ कांते, सुहास पाटील, सावकर मादनाईक, अनिल बागणे, भूपाल गिरमल, शशिकांत राजोबा, डॉ. महावीर अक्कोळे, शांतिनाथ नंदगावे, कमल मिणचे, विजया पाटील, बबव थोटे, स्वरुपा पाटील यड्रावकर, दिलिप वग्याणी, डी.ए. पाटील, एस. पी. मगदूम, सभेचे पदाधिकारी, गावांगावातील मंदीर कमिटीचे पदाधिकारी, श्रावक-श्राविका उपस्थीत होते. सूत्रसंचालन एन.डी. बिरनाळे यांनी केले. आभार दादा पाटील चिंचवाडकर यांनी मानले.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
