jain samaj news : नांदणीत 31 फुटी मूर्तीवर महामस्तकाभिषेक उत्साहात :नांदणी (ता. शिरोळ) येथे सुरू असलेल्या पंचकल्याण प्रतिष्ठा महामस्तकाभिषेक महोत्सवात आज 108 आदिनाथ तीर्थंकरांच्या 31 फूट उंचीच्या मूर्तीवर तसेच 21 फूट पद्मासनाच्या मुनीसुव्रतनाथ यांच्या मूर्तीवर दूध, उसाचा रस इतर द्रव्य पदार्थांचा महामस्तकाभिषेक सोहळा मोठ्या उत्साहात आणि भक्तीमय वातावरणात पार पडला. यावेळी हेलिकॉप्टरमधून भगवंतांवर पुष्पवृष्टी करण्यात आली. यावेळी श्रावक श्राविकांनी मोठी गर्दी केली होती.
jain samaj news : नांदणीत 31 फुटी मूर्तीवर महामस्तकाभिषेक उत्साहात
सकाळी सुप्रभात स्तोत्र झाले. सौधर्म इंद्र व इंद्रायणी यांचे सभामंडपात वाजत गाजत आगमन झाले. यानंतर मंडपात मंगलकुंभ आणण्यात आले. मंगल कुंभाचा अभिषेक करण्यात आला. यानंतर सभामंडपात भक्तामर विधान झाले. त्यानंतर त्यागींचे आगमन झाले.
दुपारी भ. आदिनाथ तीर्थकरांच्या मूर्तीवर संजय बोरगावे, राजू कुरडे, इंद्रजित गांधी, राचित भगाटे, चंद्रकांत धुळासावंत व सौधर्म इंद्र इंद्रायणी यांच्या शुभहस्ते महामस्तकाभिषेक करण्यात आला. तर भ. मुनिसुव्रतनाथ तीर्थकर यांच्या मूर्तीवर बाहुबली चौगुले, विनोद पाटील श्रीमंधर गांधी, मनोज चौगुले, कल्पना होरे, इंद्रजीत गांधी यांच्या शुभहस्ते महामस्तकाभिषेक करण्यात आला. भगवानांच्या मूर्तीवर इंजिनियर बबन टारे, निलेश टारे परिवारातर्फ पुष्पवृष्टी करण्यात आली. निलेश उगारे, राजू पाटील, खप्नील देसाई यांच्या हस्ते पुष्पवृष्टी करण्यात आली.
कार्यक्रमासाठी चारूकीर्ती भस्टारक महास्वामी श्रावण बळगोळ, देवेंद्रकिर्ती भट्टारक महास्वामी दुमया, लक्ष्मीसेन भटटारक महास्वामी ज्वालामालिनी, आम विश्वजीत कदम, अभिनंदन पाटील, उत्तम पारिक याबरोबरच अनेक
मान्यवर उपस्थित होते.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
