sangli news : कसबे डिग्रजच्या सोहम चव्हाणची 14 वर्षाखालील राज्य क्रिकेट संघात निवड : मिरज तालुक्यातील कसबे डिग्रज येथील खेळाड सोहम विजयसिंह चव्हाण यांची महाराष्ट्र राज्य 14 वर्षाखालील क्रिकेट संघात निवड झाली. मिरज पश्चिम भागात पहिल्यांदाच चव्हाणची राज्य क्रिकेट संघात निवड झाल्याने त्यांचे सर्वत्र कौतुक होत असून, त्यांचे अभिनंदन होत आहे.

sangli news : कसबे डिग्रजच्या सोहम चव्हाणची 14 वर्षाखालील राज्य क्रिकेट संघात निवड

सांगली जिल्ह्यातील कसबे डिग्रज या गावचे विजय चव्हाण यांचे कुटुंब सोहमच्या शिक्षणाच्या निमित्ताने सांगलीमध्ये स्थायिक झाले. सोहमची इच्छा होती की क्रिकेटमध्ये आपण काही तर करायचं आणि त्याच्या इच्छेला त्याच्या आई-वडिलांनी त्याला साथ दिली.

वयाच्या सातव्या वर्षीच सांगलीतील नामांकित अशा सुमित स्पोर्ट अकॅडमीमध्ये त्याचा प्रवेश निश्चित केला, सकाळी आठ वाजल्यापासून चार वाजेपर्यंत त्याची शाळा असायची आणि चार नंतर तो क्रिकेटचे प्रॅक्टिस चालू करायचा तो साडे आठ नऊ वाजेपर्यंत ग्राउंड वरती प्रॅक्टिस करायचा.

त्याने कधीही गेल्या सहा वर्षांमध्ये प्रॅक्टिस चुकवली नाही तसेच दर शनिवारी व रविवारी अकॅडमीच्या ग्राउंडवर वेगवेगळ्या मॅचेस व्हायच्या तर प्रत्येक मॅचेसमध्ये तो भाग घेत होता सुमित स्पोर्ट अकॅडमीच्यावतीने काही टूर्नामेंट पुण्यामध्ये आयोजित होत होत्या तर त्यामध्ये पण तो सहभागी व्हायचा असे चार ते पाच वर्षाचा प्रवास सुरू असताना चालू वर्षी प्रथम त्याची सांगली जिल्हा क्रिकेट संघामध्ये अंडर 14 मध्ये निवड झाली व महाराष्ट्रातील सांगलीसह 54 संघामध्ये सामने झाले व 70 वर्षांमध्ये प्रथमच सांगली जिल्ह्याच्या टीमने पुण्याच्या टीमला हरवत प्रथम क्रमांकाचे विजेतेपद पटकावले. एक नवा इतिहास रचला

त्यामधूनच सांगलीच्या टीममधील चार खेळाडूंचे पुढील महाराष्ट्र टीम च्या सिलेक्शन साठी निवड झाली होती. महाराष्ट्रातून जवळपास 70 मुले सिलेक्शन साठी आली होती आणि त्यातून फायनल 14 ची टीम ही महाराष्ट्र क्रिकेट असोसिएशनच्यावतीने तयार करण्यात आली. त्यामध्ये सोहम विजयसिंह चव्हाण हा सांगलीतून एकमेव खेळाडू महाराष्ट्राच्या टीम साठी सिलेक्ट झाला.

सोहम चव्हाण हा अष्टपैलू खेळाडू असून, 11 सामन्यात त्याने 40 विकेट व 220 धावा करून उत्कृष्ट असे क्षेत्ररक्षण केले होते, बॅटिंग, बॉलिंग, फिल्डिंग तिन्ही क्षेत्रांमध्ये उत्तम अशी कामगिरी केली होती याचीच दखल घेत वयाच्या 11 व्या वर्षीच त्याची महाराष्ट्र टीम मध्ये सिलेक्शन झाले आहे.

त्यासाठी त्याला अकॅडमीमध्ये मार्गदर्शन करणारे त्याचे कोच सुमित चव्हाण सर तसेच प्रशांत कोरे सर व त्यांची पूर्ण टीम यांचे बहुमोल असे सहकार्य लाभले. त्यांच्याच मार्गदर्शनाखाली तो इथेपर्यंत पोहोचू शकला, हा समस्त सांगलीकर यांच्यासाठी अभिमानाचा व कौतुकाचा क्षण आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.