sangli crime news : घरात घुसून चोरी करणारा चोरटा जेरबंद : 20 तोळे सोन्याचे दागिने हस्तगत. : शहरातील पटेल चौक येथील सूर्यवंशी यांच्या घरात घुसून कपाटातील दहा लाखांचे दागिने चोरणार्‍या चोरट्याच्या मुसक्या आवळण्यात पोलिसांना यश आले. या चोरट्याकडून 200 ग्रॅम वजनाचे दहा लाख रुपये किमतीचे दागिने पोलिसांनी जप्त केले आहेत. सांगली शहर पोलीस ठाण्याच्या गुन्हे प्रकटीकरण शाखेने कोल्हापूर रोडवर सदरची कारवाई केली. योगेश अनिल जाधव (वय 37 रा. कबाडे हॉस्पिटल मागे, कोल्हापूर रोड) असे अटक केलेल्या चोरट्याचे नाव आहे.

sangli crime news : घरात घुसून चोरी करणारा चोरटा जेरबंद : 20 तोळे सोन्याचे दागिने हस्तगत.

पटेल चौक येथे राहणार्‍या अनिरुद्ध सूर्यवंशी यांच्या घरातील त्यांच्या वहिनींच्या बेडरूम मधील कपाटातून दि. 01 नोव्हेंबर 2024 ते बुधवार दि. 15 जानेवारी या कालावधीत अज्ञात चोरट्याने दहा लाखांचे दागिने चोरले होते.

याबाबतची फिर्याद सूर्यवंशी यांनी सांगली शहर पोलीस ठाण्यात दिली होती. घटनेचे गांभीर्य ओळखून उपअधीक्षक प्राणिल गिल्डा यांनी तातडीने तपासाच्या सूचना दिल्या होत्या. गुन्हे प्रकटीकरण शाखेचे एक पथक पेट्रोलिंग करत असताना पथकातील कर्मचारी संतोष गळवे आणि गौतम कांबळे यांना माहिती मिळाली कि, संशयित हा चोरीचे दागिने विक्री करण्यासाठी कोल्हापूर रोडवरील आकाशवाणीच्या पाठीमागे येणार आहे.

मिळालेल्या माहिती प्रमाणे पथकातील कर्मचार्‍यांनी त्याठिकाणी सापळा लावून संशयित योगेश जाधव याला पकडले. त्याची झडती घेतली असता त्याच्याजवळ सोन्याच्या बांगड्या मिळाल्या. सदर मुद्देमालाबाबत चौकशी करता त्याने पटेल चौक येथील सूर्यवंशी यांच्या घरातून चोरल्या असल्याची कबुली दिली. यावेळी त्याच्याकडून सहा लाख रुपयांची 100 ग्रॅम वजनाची सोन्याची गोफ, 4 लाख 25 हजारांच्या सोन्याच्या बांगड्या, 75 हजारांची 15 ग्रॅम वजनाची सोन्याची चेन असा एकूण दहा लाखांचा मुद्देमाल जप्त केला.

सदरची कारवाई पोलीस निरीक्षक संजय मोरे, उपनिरीक्षक महादेव पोवार, कर्मचारी संदीप पाटील, विनायक शिंदे, रफिक मुलाणी, गौतम कांबळे, संतोष गळवे, सतीश लिंबळे, योगेश सटाले, गणेश कोळेकर, संदीप कुंभार यांच्या पथकाने केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.