sangli crime news : सांगली स्डॅडजवळ महिलेच्या गळ्यातील दागिने हिसडा मारून केले लंपास : शहरातील अतिशय गजबजलेल्या आणि बस स्थानकाशेजारी असलेल्या झुलेलाल चौक येथे चालत निघालेल्या महिलेच्या गळ्यातील सोन्याचे मिनी गंठण अज्ञात चोरट्यांनी हिसडा मारून लंपास केली. सदर चेन स्नॅचिंगची घटना हि गुरुवार दि. 30 जानेवारी रोजी सायंकाळी पाऊणे सहा वाजण्याच्या सुमारास घडली. या प्रकरणी सुजाता विजय चिपरीकर (वय 58 रा. पत्रकारनगर) यांनी सांगली शहर पोलीस ठाण्यात फिर्याद दिली आहे.
sangli crime news : सांगली स्डॅडजवळ महिलेच्या गळ्यातील दागिने हिसडा मारून केले लंपास
याबाबत अधिक माहिती अशी कि, सुजाता चिपरीकर या आपल्या कुटुंबियांसह शहरातील बस स्थानकाच्या पाठीमागे असलेल्या पत्रकारनगर मध्ये राहतात. चिपरीकर या गुरुवारी सायंकाळी हळदू कुंकूच्या कार्यक्रमानिमित्त मैत्रिणीच्या घरी गेल्या होत्या. कार्यक्रम आटोपून त्या घरी परत येत होता. सायंकाळी पाऊणे सात वाजण्याच्या सुमारास झुलेलाल चौक येथील रिक्षा स्टॉप जवळ आल्या असता पाठीमागून दुचाकीवरून दोघेजण आले.
त्यातील मागे बसलेल्या आणि हेल्मेट घातलेल्या व्यक्तीने चिपरीकर यांच्या गळ्यातील 16 ग्रॅम वजनाची 45 हजार रुपये किमतीचे मिनी गंठण हिसडा मारून लंपास करत पोबारा केला. अचानक घडलेल्या या घटनेनं त्या गोंधळल्या. चिपरीकर यांनी आरडाओरड केली मात्र तोपर्यंत चोरट्यांनीं धूम ठोकली. घडलेल्या या जबरी चोरीच्या घटनेनंतर चिपरीकर यांनी सांगली शहर पोलीस ठाण्यात फिर्याद दिली. त्यांच्या फिर्यादीवरून पोलिसांनी अज्ञात चोरट्यांविरोधात गुन्हा दाखल केला आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
