सरपंच विकास डावरे यांचे प्रदूषण महामंडळ पत्र, कारवाईची मागणी , आंदोलनाचा इशारा
tasgaon turchi factory news : तुरची साखर कारखान्याचे रसायनयुक्त पाण्याने नागरिकांच्या आरोग्यास धोका ” तासगाव तालुक्यातील तुरची येथील साखर कारखान्यातून बाहेर पडणारे रासायनिक पाणी कॅनॉलमधे सोडले आहे. हे पाणी शेतकर्यांच्या विहीर व बोरला आल्याने शेतकरी व जनावरांचे आरोग्यास धोका निर्माण झाला आहे. तरी कारखान्यावर कारवाई करा अन्यथा तीव्र आंदोलनाचा इशारा सरपंच विकास डावरे यांनी दिला आहे. याबाबत पत्र त्यांनी प्रदूषण महामंडळ सांगली यांना दिले आहे.
tasgaon turchi factory news : तुरची साखर कारखान्याचे रसायनयुक्त पाण्याने नागरिकांच्या आरोग्यास धोका
दिलेल्या निवेदनात त्यांनी सांगितले की तुरची साखर कारखान्याचे रसायनयुक्त पाणी कारखाना व्यवस्थापनाने आरफळ कॅनॉलमध्ये सोडले आहे. रसायनयुक्त पाणी कॅनॉलमध्ये सोडल्यामुळे तुरची कारखाना परिसरातील विहीर व बोअरचे पाणी दुषित झाले आहे. या दुषित पाण्यामुळे तुरची येथील नागरिकांच्या व जनावरांच्या आरोग्यास धोका निर्माण झाला आहे.
तसेच तुरची येथे द्राक्षे बागायत पिके जास्त प्रमाणात असून कारखान्यातील धुराडीतून निघणार्या राखेमुळे द्राक्षे व इतर बागायती पिकांचे नुकसान होत आहे. ग्रामपंचायत कडून कारखान्यास वारंवार लेखी पत्रे देऊन हि त्यांनी रसायन युक्त पाण्याचे व्यवस्थापन केलेले नाही. याबाबत तुरची गावातील नागरिकांकडून तक्रारी येत आहे.
कारखाना प्रशासनाने खराब झालेल्या बोअर, शेती पंप, विहिरी यांची नुकसान भरपाई त्वरित शेतकर्यांना द्यावी व येणार्या गळीप हंगामासाठी साखर कारखान्यास परवानगी देऊ नये. तरी आपले स्तरावरून तुरची येथील साखर कारखान्यातून निघणार्या रसायनयुक्त पाणी व धुराडीतून निघणार्या राखेबाबत कारवाई करा अशी मागणी त्यांनी केली आहे

Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.



