sangli crime news : प्लॉट डेव्हलपमेंटला देण्याच्या आमिषाने डेव्हलपर्सची 36 लाख 60 हजारांची फसवणूक : सांगली : शहरातील एका डेव्हलपरला मिरजेतील एक जागा विकसित करण्यासाठी देण्याचे आश्वासन देऊन त्यापोटी 36 लाख 60 हजार रुपये महिलेसह एकाने घेतले होते. मात्र, ती जागा विकसित करण्यासाठी नकार देऊन उलट पैसे मागण्यासाठी गेलेल्या व्यवसायिकालाच विनयभंगचा गुन्हा दाखल करण्याची धमकी दिल्याचा प्रकार उघडकीस आला.

sangli crime news : प्लॉट डेव्हलपमेंटला देण्याच्या आमिषाने डेव्हलपर्सची 36 लाख 60 हजारांची फसवणूक

विनयभंगचा गुन्हा दाखल करण्याची दिली धमकी : मिरजेतील महिलेसह दोघांवर गुन्हा दाखल.

सदरची घटना जून 2022 ते मार्च 2024 या कालावधीत घडली. या प्रकरणी अशोक चंद्रप्पा मासाळे (वय 44 रा. सांगली) यांनी विश्रामबाग पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी फसवणूक करणार्‍या इब्राहिम महंमदसाब नाईकवडी (इनामदार) आणि जास्मिन महंमदसाब नायकवडी (इनामदार) या दोघांविरोधात गुन्हा दाखल केला आहे.

याबाबत अशोक मासाळे यांनी दिलेल्या फिर्यादीत म्हंटले आहे, त्यांची श्री डेव्हलपर्स अँड कन्स्लटंट या फर्मच्या माध्यमातून भूविकासक म्हणून ते व्यवसाय करतात. संशयितांची मिरजेतील समतानगर येथील मिळकतीचे उतारे मासाळे यांना दाखवून सदरची जागा विकसित करण्यासाठी तुम्हाला देणार असल्याचे आश्वासन दिले. त्यानंतर मासाळे यांच्या सांगलीतील कार्यालयात येऊन विकसन करारपत्र करून त्यांच्याकडून एकूण 36 लाख 60 हजार रुपये रोख आणि चेक स्वरूपात घेतली.

sangli-crime-news-developers-cheated-of-36-lakh-60-thousand-on-the-lure-of-giving-plot-to-development

त्यानंतर मासाळे आणि त्यांचे मित्र नेमगोंडा पाटील, किरण आडमुठे हे संशयितांच्या घरी गेले होते. त्यावेळी त्यांनी आम्ही तुम्हाला जागा देणार नाही. आमची केस मिटल्यानंतर इतर व्यक्तींना सदरची जागा विकून आम्ही आपले पैसे देऊ. तुम्ही आमच्या विरोधात तक्रार दिल्यास तुमच्या विरोधात विनयभंगाचा गुन्हा दाखल करू अशी धमकी दिली.

महाराष्ट्रात आमचे कोणाही वाकडे करू शकले नाही. पुन्हा आम्हाला फोन केला तर आमच्या इतके वाईट कोणी नाही अशी धमकी दिली. घडलेल्या या प्रकारानंतर मासाळे यांनी विश्रामबाग पोलीस ठाण्यात फिर्याद दिली. त्यांच्या फिर्यादीवरून पोलिसांनी संशयित नाईकवाडी यांच्या विरोधात गुन्हा दाखल केला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.