sangli crime news : लग्नाचे आमिष दाखवून अल्पवयीन मुलीवर केले अत्याचार : सांगली : शहरातील एका महाविद्यालयात शिक्षण घेणार्‍या अल्पवयीन मुलीला प्रेमाच्या जाळ्यात ओढून तिला लग्नाचे आमिष दाखवून अंकली येथील एका लॉजवर अत्याचार केल्याची घटना उघडकीस आली आहे.

sangli crime news : लग्नाचे आमिष दाखवून अल्पवयीन मुलीवर केले अत्याचार

 पोक्सो अंतर्गत गुन्हा दाखल : संशयित युवकास पोलिसांनी केली अटक.

याप्रकरणी पीडित मुलीने सांगली ग्रामीण पोलिसात फिर्याद दिली आहे. पोलिसांनी संशयित युवक पांडुरंग रावसाहेब शेजूळ ( वय 20, रा. खलाटी, ता. जत ) याच्याविरोधात बलात्कार आणि पोक्सो कायद्यानुसार गुन्हा दाखल करत त्याला अटक केली आहे. पीडित तरुणी गर्भवती असल्याने सदरचा प्रकार उघडकीस आला.

याबाबत पोलिसांनी दिलेली माहिती अशी कि, पिडीत तरुणी ही सांगलीनजीकच्या एका शहरातील असून ती शिक्षणाच्या निमित्ताने एका महाविद्यालयात येत होती. सप्टेंबर 2024 च्या दरम्यान संशयित पांडुरंग शेजूळ याने तिच्याशी ओळख करून घेऊन जवळीक वाढवली. त्यानंतर आपल्या मोपेडवरून फिरून येऊ, असे सांगून कोल्हापूर रोडवरील अंकली गावच्या परिसरात नेले. त्या ठिकाणी त्याने तिला लग्नाचे वचन दिले. त्याच परिसरातील एका लॉजवर नेऊन जबरदस्तीने तिच्यावर बलात्कार केला.

sangli-crime-news-a-minor-girl-was-raped-by-luring-her-for-marriage

त्यानंतर दि. 14 जानेवारीपर्यंत संशयिताने वारंवार तिच्याशी शारीरिक संबंध ठेवले. यातून आपण गर्भवती असल्याचे तिच्या लक्षात आले, पण आपली बदनामी होईल, या भीतीने ती गप्प बसली. त्यानंतर मात्र तिने हा प्रकार घरी सांगुन थेट पोलिसांत धाव घेत संशयित पांडुरंग शेजूळ याच्या विरोधात मंगळवारी फिर्याद दिली. पोलिसांनी तात्काळ पांडुरंग याच्यावर बलात्कार आणि सुधारित बाल लैंगिक अत्याचार प्रतिबंध कायद्यातील तरतुदीनुसार गुन्हा दाखल करून त्याला अटक केली.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.