kavtepiran crime news : कवठेपिरान येथे भरधाव कारची दुचाकीला धडक: सांगली : मिरज तालुक्यातील कवठे पिरान येथील श्री मंगल कार्यालयाजवळ मोपेडला पाठीमागून येणार्‍या मोटारीने धडक दिल्यामुळे प्रतीक पोपट पाटील (वय 32, रा. अंगणवाडीजवळ, कवठे पिरान), त्यांची पत्नी आणि मुलगी हे तिघेजण जखमी झाले.
kavtepiran crime news : कवठेपिरान येथे भरधाव कारची दुचाकीला धडक
अपघातात पती, पत्नीसह मुलगी जखमी.
याबाबत पाटील यांनी सांगली ग्रामीण पोलिस ठाण्यात फिर्याद दिली आहे. याबाबत अधिक माहिती अशी कि, प्रतीक पाटील हे आपल्या कुटुंबियांसह मिरज तालुक्यातील कवठेपिरान गावामध्ये राहतात.
पाटील यांच्या मुलीला ताप आल्यामुळे सांगलीतील हॉस्पिटलमध्ये दाखवण्यासाठी तिघेजण मोपेड (एमएच 10 डीडी 7409) वरून सायंकाळी सातच्या सुमारास निघाले. कवठे पिरान ते सांगली रस्त्यावर श्री मंगल कार्यालयाजवळ पाठीमागून आलेल्या अज्ञात मोटारीने त्यांना धडक दिली.
या धडकेत तिघेजण मोपेडवरून खाली पडून जखमी झाले. धडकेनंतर मोटार चालकाने पलायन केले. पाटील यांच्या मोपेडचे नुकसानदेखील झाले. उपचारानंतर त्यांनी ग्रामीण पोलिसांत तक्रार दिली.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
