dineshkumar aitawade 9850652056

समडोळीच्या हृदयात वसलेला शिक्षणाचा राजवाडा – जिल्हा परिषद मुलींची शाळा : समडोळी हे मिरज तालुक्यातील एक निःशब्द, निसर्गसंपन्न आणि शांततेच्या कुशीत विसावलेलं गाव. याच गावी ग्रामपंचायतीच्या सावलीत उभी असलेली जिल्हा परिषद मुलींची शाळा म्हणजे शिक्षणाच्या साधनेचा एक तेजस्वी दीपस्तंभ. काळाच्या गर्भातून प्रकटलेली ही शाळा केवळ शिक्षणाचं केंद्र नव्हे, तर संस्कारांची, संस्कृतीची आणि समृद्ध वारशाची मूर्तिमंत साक्ष आहे.

samdoli vishes news : :समडोळीच्या हृदयात वसलेला शिक्षणाचा राजवाडा – जिल्हा परिषद मुलींची शाळा

इतिहासाची पायरी

स्वातंत्र्यपूर्व काळात जेथे गुजर कुटुंबाचा भव्य वाडा उभा होता, तेथेच कालांतराने शिक्षणाचा अंकुर फुलू लागला. वाड्याच्या खोलगट पायर्‍यांवरून चालत अनेक विद्यार्थिनी ज्ञानाच्या वाटेवर पाऊल ठेवत होत्या. ते दिवस होते साधेपणाचे, पण स्वप्न मात्र मोठी होती. शिक्षणाच्या ओंजळीतून गावच्या अनेक मुली उज्ज्वल भविष्याकडे वाटचाल करू लागल्या.
पण काळ बदलला वाड्याच्या भिंती थकल्या, छताचे कौल ढासळले. आणि मग घेतला गेला एक शहाणपणाचा निर्णय – वाडा पाडून त्याच जागी उभारण्यात आली भक्कम आरसीसी शाळा. आधुनिकतेचा स्पर्श लाभलेली ही इमारत नव्या युगाच्या स्वागतासाठी सज्ज झाली. पण खरी क्रांती घडली ती त्या दिवशी, जेव्हा या शाळेत पाटोळे सरांचे पावले पडली.

पाटोळे सर – परिवर्तनाचे शिल्पकार

पाटोळे सर हे केवळ शिक्षक नव्हे, ते एक दृष्टा आहेत. त्यांच्या डोळ्यांत केवळ वर्ग खोल्यांचा आराखडा नव्हता, तर त्यांना दिसत होता एक भव्य राजवाडा – शिक्षणाचा, संस्कारांचा आणि सृजनतेचा. त्यांनी हे स्वप्न फक्त पाहिले नाही, तर ते प्रत्यक्षात उतरवले. ग्रामपंचायतीचे सहकार्य, गुरव सरांची निष्ठा, प्रतिक्षा देवळेकर आणि दीपाली मगदूम यांची साथ, गावकर्‍यांची मदत आणि विद्यार्थिनींची जिज्ञासा यांची मिळवलेली सांगड म्हणजे आजची समडोळीतील शाळा.

शाळा की राजवाडा?

आज या शाळेकडे नजर टाकली, की क्षणभर डोळे दिपतात. भव्य प्रवेशद्वार, रंगीत भिंती, सुसज्ज प्रयोगशाळा, संगणक कक्ष, ग्रंथालय आणि खेळासाठी प्रशस्त मैदान – हे दृश्य शहरी शाळांनाही लाजवेल असंच आहे. वर्गखोल्यांमधून मुलींच्या हास्याचे आणि ज्ञानाचे नाद झेप घेतात आणि आकाशाला भिडण्याचं स्वप्न उराशी बाळगतात.
शाळेतील प्रत्येक कोपरा एखाद्या रेखीव वास्तुविशारदाच्या कल्पनेतून उतरल्यासारखा वाटतो. येथील शिक्षक फक्त शिकवत नाहीत, तर विद्यार्थिनींच्या मनामनावर संस्कारांचे रेखाटन करतात.

samdoli-vishes-news-the-palace-of-education-situated-in-the-heart-of-samdoli

आदर्शतेचा अलंकार

समडोळीतील ही शाळा आता केवळ एका गावापुरती मर्यादित नाही. ती एक आदर्श शाळा म्हणून जिल्हाभर चर्चेत आली आहे. येथील शिस्त, स्वच्छता, उपक्रमशीलता, आणि विद्यार्थिनींची घडवलेली व्यक्तिमत्त्वं हे सारेच कौतुकास्पद आहे.

समडोळीतील मुली आता फक्त गावकुसात मर्यादित राहिलेल्या नाहीत, तर त्या भविष्यातील डॉक्टर, अभियंता, शिक्षक, अधिकारी आणि उद्योजिका होण्याच्या दिशेने ठामपणे वाटचाल करत आहेत. त्यांच्या प्रत्येक पावलात शाळेचे संस्कार आहेत, आणि त्या संस्कारांचे मूळ म्हणजे ही शाळा – एक राजवाडा, जो केवळ भिंतींचा नाही, तर स्वप्नांचा आहे.

ही शाळा म्हणजे समडोळीच्या मातेच्या कुशीत फुललेलं ज्ञानाचं कमळ आहे. आणि त्या कमळाच्या प्रत्येक पाकळीत आहे शिक्षण, संस्कार, आणि उज्ज्वलतेचा गंध

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.