bhimrao mane news : भीमराव माने यांचा रयतेच्या क्रांतीकडे प्रवास : कवठेपिरान या ऐसपैस गावातील माजी सरपंच, भीमराव माने उर्फ भीमराव आण्णा, यांनी आता गावपातळीवरील नेतृत्वाची चौकट मागे टाकून, संपूर्ण राज्याच्या हितासाठी एक नवा अध्याय सुरू केला आहे. शिवसेना शिंदे गटाच्या कार्यात निष्ठेने योगदान दिल्यानंतर, त्यांनी आता सदाभाऊ खोत यांच्या रयत क्रांती संघटनेत प्रवेश करून राज्यातील शेतकर्‍यांच्या हक्कासाठी लढण्याचा निश्चय केला आहे.

bhimrao mane news : भीमराव माने यांचा रयतेच्या क्रांतीकडे प्रवास

भीमराव माने हे केवळ एक नाव नाही, तर तो एक कार्यसंस्कृतीचा प्रतीक आहे. गावाच्या विकासासाठी अखंड झटणारा, स्वच्छतेच्या अभियानात सहभागी होऊन कवठेपिरानला राज्यात गौरवाचे स्थान मिळवून देणारा हा नेता, जनतेच्या मनात खोलवर रुजलेला आहे. काम करणारा सरपंच म्हणून त्यांची कीर्ती केवळ आपल्या तालुक्यातच नव्हे, तर संपूर्ण महाराष्ट्रभर पसरली होती.

परंतु गावाच्या मर्यादेच्या चौकटीत अडकलेले हे ध्येयवेडे व्यक्तिमत्त्व, आपल्या विचारांची पखरण राज्यभर करावी, अशी अंतःप्रेरणा बाळगून होते. अखेर सदाभाऊ खोत यांची रयत क्रांती संघटना हे त्यांच्यासाठी योग्य व्यासपीठ ठरले. ग्रामपंचायतीतील प्रश्नांची गहिरी समज, स्थानिक प्रशासनाचा अनुभव, आणि ग्रामीण जनतेच्या जिव्हाळ्याचे विषय यांची जाण असलेल्या भीमराव माने यांना, आता शेतकर्‍यांच्या प्रश्नांना वाहून घेण्याची नवी जबाबदारी मिळाली आहे.

रयत क्रांती संघटना ही आकाराने लहान असली तरी तिची तळमळ मोठी आहे.

राज्याच्या कानाकोपर्‍यात कार्यकर्त्यांचे अस्तित्व असलेल्या या संघटनेत आता भीमराव मानेसारखा अनुभवी आणि कार्यसमर्पित नेता सामील झाला आहे, यामुळे संघटनेच्या कार्यात नवी ऊर्जा संचारणार यात शंका नाही.

सदाभाऊ खोत हे स्वतः जमीनीवरच्या प्रश्नांची जाण असलेले आणि लोकांच्या मनात स्थान निर्माण केलेले नेतृत्व आहे. अशा नेत्याच्या खांद्याला खांदा लावून काम करण्याची संधी माने यांना लाभली आहे, हे त्यांच्यासाठीच नव्हे तर राज्यभरातील शेतकर्‍यांसाठीही एक शुभ संकेत मानावा लागेल.

bhimrao-mane-news-bhimrao-manes-journey-towards-the-peasant-revolution

गाव गड किल्ल्यापलीकडे, रयतेच्या राजकारणात प्रवेश – अशा शब्दांत भीमराव माने यांचा हा प्रवास उलगडावा लागेल. एकेकाळी गावाच्या रस्त्यांपासून स्वच्छतेपर्यंत झटणारा माने, आता राज्याच्या प्रत्येक शेतकर्‍याच्या काळजाचा ठाव घेण्यासाठी सज्ज झाला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.