सांगली :

SANGLI CRIME NEWS : सांगलीतील नेमिनाथनगरमधून घरातून दहा तोळे सोने केले लंपास : शहरातील नेमिनाथनगर येथे असलेल्या मोती चौक येथील घरातून अज्ञात चोरटयांनी पाच तोळे सोन्याच्या दोन बांगड्या आणि पाच तोळे वजनाच्या चार सोन्याच्या बांगड्या असा मुद्देमाल लंपास केला. सदर चोरीची घटना हि मंगळवार दि. 16 जुलै दुपारी तीन ते शुक्रवार दि. 19 जुलै सकाळी सात वाजण्याच्या सुमारास घडली. या प्रकरणी सुनंदा अशोक चौगुले (वय 62 रा. नेमीनाथनगर) यांनी विश्रामबाग पोलीस ठाण्यात फिर्याद दिली आहे.

SANGLI CRIME NEWS : सांगलीतील नेमिनाथनगरमधून घरातून दहा तोळे सोने केले लंपास :

याबाबत अधिक माहिती अशी कि, सुनंदा चौगुले या निवृत्त शिक्षिका असून त्या आपल्या कुटुंबीयांसह नेमीनाथनगर येथील मोती चौक येथे राहतात. मंगळवार दि. 16 जुलै रोजी दुपारी तीन वाजण्याच्या सुमारास चौगुले या कामानिमित्त बाहेर गेल्या होत्या. यावेळी अज्ञात चोरट्यांनी त्यांच्या घरावर पाळत ठेऊन घरात प्रवेश केला.

बेडरूममध्ये असलेल्या लाकडी कपाटामध्ये लावलेले पाच तोळे वजनाच्या दोन बांगड्या आणि पाच तोळे वजनाच्या चार सोन्याच्या बांगड्या असा मुद्देमाल चोरून पलायन केले. शुक्रवार दि. 19 जुलै रोजी सकाळी सात वाजण्याच्या सुमारास सदर चोरीची घटना निदर्शनास आली. यानंतर सुनंदा चौगुले यांनी विश्रामबाग पोलीस ठाण्यात फिर्याद दिली. त्यांच्या फिर्यादीवरून पोलिसांनी अज्ञात चोरट्यांविरोधात गुन्हा दाखल केला आहे.

———————

जुन्या वादातून तरुणास लोखंडी सळई ने बेदम मारहाण : चौघांविरोधात गुन्हा दाखल.

सांगली : शहरातील गवळी गल्ली येथील महापालिका शाळा क्रमांक 18 येथे कामानिमित्त गेलेल्या तरुणास चौघांनी मिळून जुन्या भांडणाच्या रागातून लोखंडी सळई आणि काठीने बेदम मारहाण केल्याची घटना घडली. सदर मारहाणीची घटना हि रविवार दि. 21 जुलै रोजी रात्री आठ वाजण्याच्या सुमारास घडली. या प्रकरणी जखमी वाजिद हमीद महात (वय 24 रा. गवळी गल्ली, सांगली) याने सांगली शहर पोलीस ठाण्यात फिर्याद दिली आहे. पोलिसांनी त्याच्या फिर्यादीवरून मारहाण करणार्‍या अमन पेंढारी, साहिल पेंढारी, आकिब शेख आणि टिपू पेंढारी (सर्व रा. गवळी गल्ली, सांगली) या चौघांविरोधात गुन्हा दाखल केला आहे.

याबाबत अधिक माहिती अशी कि, जखमी वाजिद महात हा आपल्या कुटुंबियांसह गवळी गल्ली परिसरात राहतो. रविवार दि. 21 जुलै रोजी रात्री आठ वाजण्याच्या सुमारास महापालिका शाळा क्रमांक 18 जवळ तो थांबला होता. यावेळी संशयित चौघेजण त्याठिकाणी आले आणि जुन्या भांडणाच्या रागातून वाद घालू लागले.

त्यांच्यातील वाद विकोपाला गेल्यानंतर संशयित चौघांनी मिळून लोखंडी सळई आणि काठीने बेदम मारहाण करत वाजिद याला जखमी केले आणि निघून गेले. घडलेल्या या घटनेनंतर वाजिद महात याने सांगली शहर पोलीस ठाण्यात फिर्याद दिली. त्याच्या फिर्यादीवरून पोलिसांनी मारहाण करणार्‍या चौघांविरोधात गुन्हा दाखल केला आहे.

——————-

सांगलीत भरधाव कारची एकास धडक : अपघातात एकजण गंभीर जखमी.

सांगली : शहरातील झी महासेल येथे एका भरधाव कार ने एकास जोराची धडक दिली. या अपघातात एकजण गंभीर जखमी झाला. सदरचा अपघात हा रविवार दि. 21 जुलै रोजी रात्री आठ वाजण्याच्या सुमारास झाला. या प्रकरणी जखमी प्रवीण नारायण जाधव (वय 55 रा. चिंतामणीनगर, सांगली) यांनी सांगली शहर पोलीस ठाण्यात फिर्याद दिली आहे.

याबाबत अधिक माहिती अशी कि, जखमी प्रवीण जाधव हे आपल्या कुटुंबियांसह चिंतामणीनगर परिसरात राहतात. रविवार दि. 21 जुलै रोजी रात्री आठ वाजण्याच्या सुमारास शहरातील एसटी स्टॅन्ड जवळ असणार्‍या झी महासेल येथून ते रास्ता क्रॉस करत होते. यावेळी गरवारे कन्या महाविद्यालयाकडून एक भरधाव वेगात चार आली. या कारने प्रवीण जाधव यांना जोराची धडक दिली.

या अपघातात जाधव हे गंभीर जखमी झाले. त्यांना कार चालकाने उपचारासाठी रुग्णालयात दाखल केले आणि तेथून निघून गेला. घडलेल्या या घटनेनंतर जाधव यांनी सांगली शहर पोलीस ठाण्यात फिर्याद दिली. त्यांच्या फिर्यादीवरून पोलिसांनी अज्ञात कार चालकाविरोधात गुन्हा दाखल केला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.