कासेगाव ः वार्ताहर
sangli crime news : कासेगावात अज्ञाताकडून शेतकर्‍याचा गोळ्या घालून खून : कासेगाव ता.वाळवा येथे अज्ञातांनी गोळ्या झाडून पांडुरंग भगवान शिद (वय 40) याचा खून करण्यात आला. या घटनेने कासेगावसह वाळवा तालुक्यात एकच खळबळ उडाली आहे. शुक्रवारी सकाळी 8 च्या सुमारास खुनाचा प्रकार उघडकीस आला. रात्री उशिरापर्यंत खूनाचे नेमके कारण समजू शकले नाही. खूनाबाबत काही नागरिकांची कासेगाव पोलिसांकडून चौकशी करण्यात आली आहे.
sangli crime news : कासेगावात अज्ञाताकडून शेतकर्‍याचा गोळ्या घालून खून
याबाबत पोलिसांकडून मिळालेली माहिती अशी, कासेगाव ता.वाळवा येथील मृत पांडुरंग शिद यांची वाटेगाव शिवेलगत शेतजमीन व वस्ती आहे. दररोजप्रमाणे शुक्रवार दि.16 ऑगस्ट रोजी सकाळी 7 च्या दरम्यान वस्तीकडे निघाले होते. दरम्यान शेतात दबा धरून बसलेल्या अज्ञात हल्लेखोरांनी त्यांच्यावर जीवघेणा हल्ला केला. यावेळी त्यांनी प्रतिकार करण्याचा प्रयत्न केला. अज्ञातांनी त्यांच्यावर तीन गोळ्या झाडल्या. एक गोळी त्यांच्या डोक्यात अडकली. तर एक गोळी अंगातून आरपार झाल्याने त्यांचा जागीच मृत्यू झाला.
या प्रकाराची माहिती परिसरातील नागरिकांनी पांडुरंग यांचे चुलतभाऊ शशिकांत शिद यांना दिली. खूनाच्या घटनेची माहिती कासेगाव पोलिसांना माहिती मिळताच त्यांनी घटनास्थळी धाव घेतली. कासेगाव पोलिसांनी घटनास्थळाचा पंचनामा करण्यात आला. सांगली पोलिस दलाच्या श्वानास पाचारण करण्यात आले.
श्वान घटनास्थळावर घुटमळले. जिल्हा पोलिस अधीक्षक घुगे, अप्पर पोलीस अधीक्षक रितू खोकर, पोलिस उपाधिक्षक मंगेश चव्हाण यांनी घटनास्थळी भेट देवून कासेगाव पोलिसांनी खूनाच्या तपासाच्या सुचना दिल्या. पांडुरंग शिद यांच्या डोक्यात गोळी अडकल्याने त्यांच्या मृतदेहाचे शवविच्छेदन मिरज सिव्हील येथे करण्यात आले. मृत पांडुरंग शिद यांच्या पश्चात आई, पत्नी, दोन मुले असा परिवार आहे. याबाबतची फिर्याद शशिकांत शिद यांनी दिली आहे. अधिक तपास स.पो.नि.हरिश्चन्द्र गावडे करत आहेत.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
