रुकडी माणगाव- kolhapur crime news : रूकडी माणगाव येथे मूर्ती विसर्जन करताना युवक गेला वाहून; आठजण वाचले : दुर्गामाता मूर्तीचे विसर्जन करताना माणगाव ता.हातकणगंले येथील प्रकाश शिवाजी परीट (वय 35) हा युवक वाहून गेला .अन्य आठजण दैव बलवत्तर म्हणून वाचले. ही घटना 12 शनिवार रोजी रात्री बारा वाजता रूई बंधारा येथे घडली.
kolhapur crime news : रूकडी माणगाव येथे मूर्ती विसर्जन करताना युवक गेला वाहून; आठजण वाचले
मिळेलेल्या माहितीनुसार, माणगाव येथील गांधी चौक तरूण मंडळाच्या वतीने प्रतिवर्षी दुर्गामाता मूर्ती चे प्रतिष्ठा केले जाते. शानिवार रोजी मूर्तीचे विसर्जन करण्याकरिता रूई येथील पंचगंगा नदीवरील बंधारा नजीक मंडळाचे वीस तीस कार्यकर्ते गेले होते. मूर्ती घेवून आठ कार्यकर्ते नदीपात्रात गेले असता. विसर्जन वेळी मूर्ती फिरल्याने कार्यकर्ते नदीतच कोसळले. पाण्याला प्रचंड वेग असल्याने परीटसह अन्य कार्यकर्ते वाहून गेले. यातील चार पाच युवक बंधाराला असलेल्या लाकडी फळीस धरून बसल्याने ते थोडक्यात बचावले. त्यांना दोरखंडच्या सहाय्याने बाहेर काढण्यात आले. अन्य कार्यकर्ते पाण्याच्या प्रवाहाबरोबर बंधार्‍यातून वाहत गेले असता यापैकी अन्य युवक पोहत नदी कडेला पोहचले. तर यामध्ये परीट हा वाहून गेला. त्याचे रात्री उशीरा पर्यत शोध घेण्यात आले पण तो मिळून आला नाही.
दरम्यान, 13 रविवार रोजी पहाटे मंडाळाचे कार्यकर्ते त्याला शोधण्यासाठी गेले असता तो सापडला नाही. त्यांचे शोध घेण्यासाठी जीवरक्षक गटाला पाचारण करण्यात आले आहे. विशेष म्हणजे, 12 रोजी प्रकाश परीट व त्यांची पत्नी दोघांनी मूर्तीचे पूजा व आरती केली होती. त्यानंतर चार तासाने ही घटना घडली. परीट यास आठ वर्षांचा मुलगा व आठ महिन्यांचे कन्या आहे. ही घटना गावात पसरताच हळहळ व्यक्त होत आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
