dineshkumar aitawade 9850652056

swabhimani shetkri sangtna news :स्वाभिमानीला मोठा धक्का, सावकार मादनाईक बंडाच्या तयारीत :लोकसभा निवडणुकीत राजू शेट्टी यांना पराभवाचा धक्का बसल्यानंतर आता स्वाभिमानी शेतकरी संघटनेला दुसरा मोठा धक्का बसला आहे. स्वाभिमानी शेतकरी संघटनेचे मुलुख मैदान तोफ असणारे सावकार मादनाईक हे स्वाभिमानीला सोडचिठ्ठी देण्याच्या तयारी असून, लवकरच ते आपला निर्णय जाहीर करणार असल्याचे समजते.

swabhimani shetkri sangtna news :स्वाभिमानीला मोठा धक्का, सावकार मादनाईक बंडाच्या तयारीत

राज्यात राज्ाू शेट्टी, आ. बच्चू कडू आणि संभाजीराजे यांनी तिसरी आघाडी स्थापन करून महायुती आणि महाविकास आघाडीला धक्का देण्याची तयारी करत असतानाच स्वाभिमानी शेतकरी संघटनेला होम ग्राउंडवर मोठा धक्का बसला आहे. गेल्या दोन विधानसभा निवडणुकीत स्वाभिमानी शेतकरी संघटनेचे शिरोळ मधून उमेदवार असणारे सावकार मादनाईक पक्षावर आणि राजू शेट्टींवर नाराज आहेत. लोकसभा निवडणुकीत राजू शेट्टींचा पराभव झाला. महाविकास आघाडी आणि महायुती या दोन्ही आघाड्यांसोबत लढताना लहान सहान पक्षांना नाकेनउ येत आहे.

येणार्‍या विधानसभा निवडणुकीत शिरोळमधून राजू शेट्टी स्वत: रहायच्या तयारीत आहेत. त्याचबरोबर तालुका प्रमुख शिंदे यांचेही नाव पुढे येत आहे. सावकार मादनाईक लोकसभा निवडणुकीनंतर पक्षावर नाराजच आहेत. त्यामुळे त्यांनी महादेवराव महाडिक यांच्याशी जवळीक वाढविली आहे. महाडिक यांच्या बंगल्यावर मादनाईक यांच्या दोन बैठकाही झाल्या आहेत. आता ते भाजपमध्ये प्रवेश करतात की शिंदे गटात प्रवेश करतात हे लवकरच कळेल.

स्वाभिमानी शेतकरी संघटनेच्या स्थापनेपासून राज्ाू शेट्टींच्या खांद्याला खांदा लावून काम करणार्‍या सावकार मादनाईकांच्या या भूमिकेने स्वाभिमानीना मोठा धक्का मानला जात आहे.

स्वाभिमानी शेतकरी संघटनेच्या स्थापनेपासून राज्ाू शेट्टींच्या खांद्याला खांदा लावून काम करणार्‍या सावकार मादनाईकांच्या या भूमिकेने स्वाभिमानीना मोठा धक्का मानला जात आहे.
मादनाईक यांच्याशी संपर्क केला असता त्यांनी अद्याप कोणताही निर्णय घेतला नाही फक्त तिसरी आघाडी मला मान्य नाही मी हे राजू शेट्टींना सांगितले आहे. आणि प्रत्येक वेळी निवडणुकीला सामोरे जाणे हे सामान्य कार्यकर्त्यांना शक्य नाही. त्यामुळे मी माझी भूमिका लवकरच स्पष्ट करणार असल्याचे त्यांनी सांगितले.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.