सांगली :

sangli crime news : दुधगावात ऊस तोडणी मजूर पुरविण्याच्या आमिषाने 18 लाखांची फसवणूक : मध्यप्रदेश मधील व्यक्तीवर गुन्हा दाखल.: ऊस तोडणी मजूर पुरविण्याचे आश्वासन देऊन मध्यप्रदेश मधील मुकादमाने दुधगाव आणि बुधगाव मधील शेतकर्‍यांना 17 लाख 98 हजार 999 रुपयांना गंडा घातल्याचा प्रकार उघडकीस आला. सदर फसवणुकीची घटना हि सन 2023 ते 2024 या कालावधीत बुधगाव येथे घडली. या प्रकरणी अशोक अण्णा पाटील (वय 55 रा. दुधगाव) यांनी सांगली ग्रामीण पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी फसवणूक करणार्‍या संशयित यासिन महंमदअली (रा. केरपानी राज्य मध्यप्रदेश) याच्यावर गुन्हा दाखल केला आहे.

sangli crime news : दुधगावात ऊस तोडणी मजूर पुरविण्याच्या आमिषाने 18 लाखांची फसवणूक : मध्यप्रदेश मधील व्यक्तीवर गुन्हा दाखल.

याबाबत पोलिसांनी दिलेली अधिक माहिती अशी कि, अशोक पाटील हे आपल्या कुटुंबियांसह मिरज तालुक्यातील दुधगाव मध्ये राहत असून त्यांचा शेतीचा व्यवसाय आहे. यातूनच त्यांची ओळख मध्यप्रदेश मधील संशयित यासिन महंमदअली याच्याशी झाली. अशोक पाटील आणि साक्षीदार शांतीनाथ आडमुठे यांना मुकादम यासिन महंमदअली याने नोटरी करार करून सन 2023 आणि 2024 या काळात ऊस तोडणी मजूर पुरविण्यासाठी 17 लाख 98 हजार 999 रुपये दोघांकडून घेतले.

यानंतर ऊस तोडणी मजुरांची टोळी आणण्यासाठी पाटील आणि आडमुठे हे मध्यप्रदेश मधील आशापुरा येथे यासिन महंमदअली याच्यासोबत गेले. त्याठिकाणी आपण उद्या टोळी घेऊन जाऊ असे सांगून तेथून तो निघून गेला. त्यानंतर त्याने मोबाईल बंद केला. यावेळी पाटील आणि आडमुठे हे तेथून निघून आले. काही दिवसानंतर पुन्हा यासिन महंमदअली याच्याशी संपर्क झाल्यानंतर माझ्याकडे टोळी नाही तुमचे पैसे परत देतो असे सांगितले.

मात्र, अनेक महिने उलटले तरी पैसे दिले नाहीत त्यामुळे कराराचा भंग करून फसवणूक केल्याची फिर्याद अशोक पाटील यांनी सांगली ग्रामीण पोलीस ठाण्यात दिली. त्यांच्या फिर्यादीवरून पोलिसांनी फसवणूक करणार्‍या यासिन महंमदअली याच्यावर गुन्हा दाखल केला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.