जयश्री पाटील यांनी काँग्रेस पक्षाकडे उमेदवारी मागितली होती ,पण ती त्यांना मिळाली नाही. त्यामुळे त्यांनी अपक्ष अर्ज दाखल केला आहे जोरदार शक्ती प्रदर्शनासह प्रचार प्रारंभ सभा घेऊन त्यांनी आपला लोकसंग्रह दाखवला आहे. सांगलीतील अनेक आजी-माजी सदस्य, नगरसेवक, मार्केट कमिटी, सांगली विष्णूंअण्णा  खरेदी विक्री संघ, यांच्यासह साखर कारखाना संचालक आणि मदन भाऊ पाटील युवा मंचचे सर्व कार्यकर्ते त्यांच्यासोबत प्रचारात सक्रिय आहेत, त्याचप्रमाणे खासदार विशाल पाटील, डॉ सिकंदर जमादार,संग्राम पाटील रोहिणी पाटिल,मदन भाऊ युवा मंचचे आनंद लेंगरे, नितीन लोंढे यांच्यासह अनेक जबाबदार कार्यकर्ते प्रचार यंत्रणा राबवत आहेत.

सध्या त्यांनी होम टू होम प्रचारावर भर दिला असून उमेदवाराच्या थेट संपर्क मुळे आणि महिला उमेदवारी यामुळे त्यांना चांगला प्रतिसाद मिळत आहे. वसंतदादा घराण्याचे कार्य महिला म्हणून असलेली सहानुभूती ह्या त्यांच्या जमेच्या बाजू ठरत आहेत .सांगली शहरासह बुधगाव ,नांद्रे, कवलापूर, माधवनगर, पदमाळे ,कर्नाल, बिसुर, धामणी ,अंकली, हरिपूरआधी सर्व ग्रामीण भागातून त्यांना चांगला प्रतिसाद मिळत आहे.