tasgaon-kavteman news : शेतकर्‍यांनो महायुतीच्या पाठीशी उभे रहा: संजय काका पाटील :महायुतीच्या सरकारने सर्वसामान्य माणूस डोळ्यासमोर ठेवून विकास केला. लाडकी बहीण योजना असेल उच्चशिक्षणासाठी मुलींना मोफत शिक्षण असेल अशी अनेक कामे आपल्याला सांगता येतील. आपल्या सर्वांचे शेतीचे वीज बिल सरकारने माफ केले पुढील पाच वर्ष शून्य रुपयाचे बिल आपल्याला शेतीचे येणार आहे . त्यामुळे आपल्यासाठी काम करणार्‍या माणसांच्या पाठीमागे राहण्याचा निर्णय आपण घ्याल असा विश्वास कवठेमंकाळ मतदार संघाचे महायुती तथा राष्ट्रवादी काँग्रेस पक्षाचे अधिकृत उमेदवार संजय काका पाटील यांनी व्यक्त केला.
tasgaon-kavteman news : शेतकर्‍यांनो महायुतीच्या पाठीशी उभे रहा: संजय काका पाटील
कोकळे तालुका कवठेमंकाळ येथे आयोजित प्रचार सभेत महायुतीचे उमेदवार संजय काका पाटील बोलत होते. यावेळी माजी राज्यमंत्री अजितराव घोरपडे सरकार माजी सभापती अजितराव करांडे प्राध्यापक अर्जुन कर्पे सर यांच्या सह परिसरातील नेते कार्यकर्ते व ग्रामस्थ मोठ्या संख्येने उपस्थित होते.
यावेळी बोलताना संजय काका पाटील म्हणाले, आपल्याकडे प्रचारला येताना विरोधक आपल्याला भावनिक करतील, पाय धरतील, खोटे अश्रू ढाळतील पैशाचे प्रलोभन दाखवतील पण आपण त्यांना त्यांनी पंधरा वर्षात कवठेमंकाळ तालुक्यात केलेल्या कामाचा जाब विचारावा. मला खासदार म्हणून काम करण्याची संधी तुम्ही लोकांनी दिली. दहा वर्ष काम करत असताना लोकांसाठी लोकांना आवश्यक असणारी कामे केली. तासगाव कवठेमंकाळ मतदारसंघात नव्हे तर जत आटपाडीचाही पाण्याचा प्रश्न सोडवण्यासाठी काम केले. संपूर्ण जिल्ह्याचा आवाका असल्यामुळे काही वेळा आपल्याकडे दुर्लक्ष झाले असेल . मात्र काम करण्यात मी कमी पडलो नाही हे आपल्याला निश्चितपणे सांगू शकतो
यावेळी बोलताना संजय काका म्हणाले महायुती सरकारने आपल्याला भरभरून दिलं आहे सर्वसामान्य नागरिक केंद्रबिंदू मानून सरकारने काम केले. महिलांना आतापर्यंत साडेसात हजार रुपये लाडकी बहीण योजनेतून मिळाले आहेत. पुढल्या काळात महिन्याला 2100 रुपये देण्याचे सरकारने जाहीर केले आहे म्हणजेच वर्षाला 25 हजार रुपये प्रत्येक महिलेला मिळणार आहेत. मुलींची उच्च शिक्षण सरकारने मोफत केले आहे. एसटीचे तिकीट अर्ध केले आहे.
काका म्हणाले कोकळे हे गाव सुजाण आहे. ही लोकं प्रवाहाच्या विरुद्ध जाऊन सत्तेच्या आहारी न जाता चांगल्याला चांगलं म्हणणारी लोक आहेत. त्यामुळे आपण निश्चितपणे आमचे पाठीमागे राहाल असा विश्वास काकांनी व्यक्त केला व येत्या 20 तारखेला आपण घड्याळाच्या चिन्हासमोरील बटन दाबावे असे आवाहन यावेळी संजय काका पाटील यांनी केले.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
