: अपघातातील वडाप कालबाह्य असल्याची धक्कादायक माहिती उघड.
sangli crime news : कुमठा फाटा अपघात प्रकरणातील पसार झालेला जीप चालक जेरबंद: सांगली : कवलापूर ते कुमठा फाटा येथे बुधवारी सकाळी झालेल्या भीषण अपघातात मायलेकांसह तिघांचा जागीरच मृत्यू झाला होता. या अपघातानंतर पसार झालेल्या वडाप जीप चालकाला अखेर पोलिसांनी जेरबंद केले आहे. मुकेश उर्फ नाट्या कोळेकर (वय 42 रा. वरची गल्ली तासगाव) असे अटक केलेल्या चालकाचे नाव आहे. दरम्यान, अपघातातील वडाप जीप हे वाहन मुदतबाह्य झाले असून त्याचा इन्शुरन्स देखील संपला असल्याची धक्कादायक माहिती तपासात पुढे आली आहे. या मार्गावर धावणार्‍या या काळ्यापिवळ्या जीपची तपासणी करण्यात येणार असल्याची माहिती पोलीस निरीक्षक किरण चौगले यांनी दिली.
sangli crime news : कुमठा फाटा अपघात प्रकरणातील पसार झालेला जीप चालक जेरबंद
याबाबत अधिक माहिती अशी कि, आटपाडी तालुक्यातील तळेवाडी येथील विश्वास म्हारगुडे पाच ते सहा महिन्यापूर्वीच कामानिमित्त सांगलीतील संजयनगर परिसरात राहत होते. बुधवारी सकाळी सव्वा दहा वाजता ते नातेवाईकांच्या लग्नासाठी पत्नी दीपाली, मुले सार्थक व राजकुमार दुचाकीवरून निघाले होते. कुमठे फाटा येथील पेट्रोलपंपासमोर ते आले असता समोरून भरधाव वेगाने सांगलीकडे वडाप जीप येत होते.
जीपचालकाने ओव्हरटेक करीत असताना विरूद्ध बाजूला जावून त्यांच्या दुचाकीला जोराची धडक दिली. यात दुचाकीचे दोन तुकडे झाले. अपघातात दीपाली, मुले सार्थक व राजकुमार या तिघांचा जागीच मृत्यू झाला. तर विश्वास म्हारगुडे गंभीर जखमी झाले. अपघातानंतर वडापचालक मुकेश कोळेकर याने पळ काढला होता. कोळेकर हा तासगाव येथील असून अपघातानंतर घरी न जाता तो कर्नाटकात पळून गेला होता.
गुरुवारी त्याला अटक करण्यात सांगली ग्रामीण पोलिसांना यश आले. दरम्यान, त्याच्या वडाप जीपची 15 वर्षाची मुदत संपलेली आहे. कालबाह्य जीपमधून तो वडाप करीत होता. तसेच त्याने वडापजीपचा विमाही नसल्याचे पोलिस चौकशीत समोर आले आहे.
लवकरच तपासणी मोहिम : पोलीस निरीक्षक किरण चौगले..
कुमठे फाटा येथील अपघातातील वडापजीप मुदत संपलेली आहे. तसेच त्याच्याकडे विमाही नाही. ग्रामीण पोलिस ठाण्याच्या हद्दीत अनेक वाहने प्रवाशी वाहतूक करतात. त्यातील काही वाहनांची 15 वर्षाची मुदत संपलेली असल्याची माहिती मिळाली आहे. लवकरच ग्रामीण पोलिसांकडून तपासणी मोहिम हाती घेतली जाणार आहे. कालबाह्य वाहने पोलिसांकडून जप्त केली जातील, असे पोलिस निरीक्षक किरण चौगले यांनी सांगितले.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
