mukhyamantri ladki bahin yojna : 5 लाख महिला अपात्र लाडली बहना… अब क्या कहना… : विधानसभा निवडणूकीच्या तोंडावर राज्यातील सरसकट महिलांना मुख्यमंत्री लाडकी बहिण योजनेच्या माध्यमातून महिलांना मोफत दिड हजार रूपये देण्याची योजना राबविण्यात आली. राज्यात सत्ता आल्यानंतर मात्र सरकारने या 5 लाख महिलांना आता ठेंगा दाखवत अपात्र ठरविले आहे.1500 रूपायात आनंदी होत सरकारच्या योजनेचा ठेंबा मिरविणार्‍या महिलांना लाडली बहना अब क्या कहना असे विचारण्याची वेळ आली आहे.

mukhyamantri ladki bahin yojna : 5 लाख महिला अपात्र लाडली बहना… अब क्या कहना…

तत्कालीन महायुतीच्या शिंदे सरकारने राज्यातील 65 वर्षा पर्यंतच्या सरसकट महिलांना महिना दिड हजार देण्याची घोषणा मोठ्या थाटात केली होती. पैसे खात्यात जमा होताच सगळ्या बहिणी कमालीच्या आनंदी झाल्याचे जाहिरात सरकारने मोठ्या प्रमाणात केली. दरम्यान निवडणूकीत आश्वासन देताना सत्ता आल्यावर 2100 रूपये देण्याचे सरकारने जाहिर केले होते.

त्या अमिषाला बळी पडत महिलांना महायुतीला भरभरून मतदान केले. मात्र सत्तेवर येताच आर्थिक शिस्तीचे कारण देत राज्यात महिलांना 2100 रूपये दिले नाहीत मात्र सरसकट महिलांना देण्याएवजी पात्र व अपात्रतेचे निकष लावत 5 लाख महिलांना वगळ्यात आले आहे. यावरून सरकारने केवळ सत्ता मिळविण्यासाठी राज्यातील सरसकट महिलांना निवडणुकीत खैरात वाटली.

28 जून 2024 आणि 3 जुलै 2024 च्या शासन निर्णयानूसार मुख्यमंत्री लाडकी बहिण योजनेतून 5 लाख महिलांना वगळण्यात आले आहे. असे आता महिला व बालविकास मंत्री आदिती तटकरे यांनी आपल्या द अकाउंट वरून (ट्विट) सांगितले आहे. यांमध्ये संजय गांधी निराधार योजनेचा लाभ घेणार्‍या 2 लाख 30 हजार, 65 वर्षापेक्षा जास्त वय असलेल्या 1 लाख 10 हजार, तसेच ज्यांच्या कुटुूंबात चारचाकी वाहन (कार) असलेल्या नमोशक्ती योजनेच्या लाभार्थी महिलांनी स्वताहून आपली नावे मुख्यमंत्री लाडकी बहिण योजनेतून मागे घेतली आहेत अशा 1 लाख 60 हजार महिला अशा एकूण 5 लाख महिलांना या सरकारने अपात्र केले आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.