sangli mouje digraj crime news : मौजे डिग्रज येथे किरकोळ कारणातून ग्रामपंचायत कर्मचार्‍यास मारहाण. :  मिरज तालुक्यातील मौजे डिग्रज ग्रामपंचात मध्ये काम करणार्‍या कर्मचार्‍यास गटारीवर पावडर का मारली नाहीस या कारणातून मारहाण करत धारदार वस्तूने वार करून जखमी केल्याची घटना घडली. सदर मारहाणीची घटना हि शुक्रवार दि. 28 फेब्रुवारी रोजी सायंकाळी पाच वाजण्याच्या सुमारास झेंडा चौक येथे घडली.

sangli mouje digraj crime news : मौजे डिग्रज येथे किरकोळ कारणातून ग्रामपंचायत कर्मचार्‍यास मारहाण.

या प्रकरणी जखमी परशराम शंकर माने (वय 60 रा. मौजे डिग्रज) यांनी सांगली ग्रामीण पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी मारहाण करणार्‍या ओंकार सतीश कोळी (वय 25 रा. मौजे डिग्रज) याच्या विरोधात गुन्हा दाखल केला आहे.

याबाबत अधिक माहिती अशी कि, जखमी परशराम कोळी हे मौजे डिग्रज ग्रामपंचायत मध्ये स्वच्छतेचे काम करतात. शुक्रवारी सायंकाळी पाच वाजण्याच्या सुमारास परशराम माने हे मौजे डिग्रजचे सरपंच आणि नाना मगदूम यांच्या सोबत झेंडा चौक येथे बोलत उभे होते. यावेळी गावात राहणार संशयित तरुण ओंकार कोळी हा त्याठिकाणी आला.

तुला मी सांगितले असताना गटारीवर पावडर का मारली नाहीस असे म्हणून हाताने मारहाण करून धारदार लहान वस्तूने वार करून जखमी केले. कानाखाली मारून निघून गेला. घडलेल्या या घटनेनंतर परशराम माने यांनी सांगली ग्रामीण पोलीस ठाण्यात फिर्याद दिली. त्यांच्या फिर्यादीवरून पोलिसांनी मारहाण करणार्‍या ओंकार कोळी याच्यावर गुन्हा दाखल केला आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.