kavtepiran crime news : कवठेपिरानमध्ये भरधाव दुचाकीची स्कूल बसला जोराची धडक : अपघातात तरुण गंभीर जखमी. : सांगली : मिरज तालुक्यातील कवठेपिरान ते दुधगाव जाणार्‍या रोडवर आपल्या दिशेने निघालेल्या स्कूल बसला समोरून चुकीच्या दिशेने येऊन भरधाव दुचाकी धडकली. या अपघातात दुचाकीस्वार गंभीर जखमी झाला असून दोन्ही वाहनांचे 50 हजारांचे नुकसान झाले आहे. सदरचा अपघात हा शुक्रवार 07 मार्च रोजी दुपारी पाऊणे तीन वाजण्याच्या सुमारास झाला.
kavtepiran crime news : कवठेपिरानमध्ये भरधाव दुचाकीची स्कूल बसला जोराची धडक : अपघातात तरुण गंभीर जखमी.
या प्रकरणी स्कुल बस चालक युसूफ हसन मुजावर (वय 51 रा. कवठेपिरान) यांनी सांगली ग्रामीण पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी दुचाकीस्वार जखमी सतीश बाबासो चव्हाण (रा. कवठेपिरान) याच्या विरोधात गुन्हा दाखल केला आहे.
याबाबत अधिक माहिती अशी कि, युसूफ मुजावर हे आपल्या कुटुंबियांसह कवठेपिरान येथे राहत असून ते स्कूलबस चालक आहेत. गुरुवारी दुपारी पाऊणे तीन वाजण्याच्या सुमारास मुजावर हे त्यांच्या ताब्यातील स्कुल बस (क्र, एमएच 12 सिटी 9300) हि कवठेपिरान मधून दुधगावकडे घेऊन निघाले होते. मुजावर हे त्यांच्या बाजूने बस चालवत घेऊन जात असताना वडगावे वस्ती जवळ संशयित दुचाकीस्वार सतीश चव्हाण हा त्याच्या ताब्यातील मोपेड दुचाकी (क्र. एमएच 10 ईएम 5256) हि भरधाव वेगात घेऊन आला. मुजावर यांच्या बाजूने येऊन स्कुल बसच्या समोर दुचाकीने जोराची धडक दिली.
या अपघातात चव्हाण हा गंभीर जखमी झाला. या अपघातात दोनही वाहनांचे 50 हजारांचे नुकसान झाले. अपघातानंतर जखमी चव्हाण याला उपचारासाठी रुग्णालयात दाखल करण्यात आले आहे. या प्रकरणी चालक मुजावर यांनी सांगली ग्रामीण पोलीस ठाण्यात फिर्याद दिली आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
