sangli market commiti news : त्रिभाजनाविरोधात सांगलीसह तीन जिल्ह्यांची याचिका : प्रत्येक तालुक्यासाठी स्वतंत्र बाजार समिती स्थापन करण्याबाबतचा घेतलेल्या निर्णयानंतर सांगली कृषी उत्पन्न बाजार समितीचे संचालक या निर्णयाला विरोध करण्यासाठी सरसावले आहेत. बाजार समितीचे सभापती सुजय शिंदे यांनी कोल्हापूर आणि सोलापूर जिल्ह्यातील बाजार समित्यांच्या सभापतींशी संपर्क साधला आहे.

sangli market commiti news : त्रिभाजनाविरोधात सांगलीसह तीन जिल्ह्यांची याचिका

कोल्हापूर, सोलापूर, सांगलीचे सभापती, संचालक येणार एकत्र

त्रिभाजनाविरोधात एकत्र येण्याचा निर्णय घेतला असून सांगलीसह कोल्हापूर आणि सोलापूर जिल्ह्याची एकत्रित याचिका दाखल करण्याची तयारी सुरु आहे. याबाबत तिन्ही जिल्ह्यातील सभापतींची लवकरच बैठक होणार आहे.

राज्य सरकारने प्रत्येक तालुक्यासाठी स्वतंत्र बाजार समिती स्थापन करण्याचा राज्य शासनाने निर्णय घेतला असून याबाबतचा तत्वतः मंजुरी दिली आहे. या निर्णयामुळे सांगली बाजार समितीचे त्रिभाजन होणार असून जत कवठेमहांकाळ आणि मिरज अशा स्वतंत्र बाजार समिती होणार आहेत. शासनाच्या निर्णयाला दुष्काळी भागातील संचालकांसह नेत्यांकडून तीव्र विरोध होताना दिसत आहे. स्वतंत्र बाजार समिती झाल्यास दुष्काळी आणि उत्पन्नाचे स्तोत्र कमी असलेल्या जत आणि कवठेमंकाळ उपबारावर बंद पडतील. यामुळे कोणत्याही परिस्थिती शासनाने हा निर्णय मागे घ्यावा, यासाठी संचालक मंडळ आणि नेते आक्रमक झाले आहेत.

सांगली बाजार समितीप्रमाणे कोल्हापूर आणि सोलापूर बाजार समितीचे त्रिभाजन होणार आहे. तेथील परिस्थिती सांगलीप्रमाणे असल्याचे स्पष्ट झाले, त्यामुळे विद्यमान संचालक मंडळ नाराज झाले आहे. कोल्हापूर येथे भाजप नेत्यांनी करवीरसाठी स्वतंत्र बाजार समितीचा घाट घातला आहे. तर सोलापुरातील संचालक त्रिभाजनाच्या विरोधात पुढे आले आहेत. सरकारच्या या निर्णयाविरोधात सांगलीसह कोल्हापूर आणि सोलापूर जिल्ह्यातील सभापती आणि संचालकांनी एकत्र येण्याचा निर्णय घेतला आहे. त्रिभाजनाविरोधात सांगली, कोल्हापूर आणि सोलापूर या तीन जिल्ह्यांनी एकत्रित याचिका दाखल करण्याबाबतची प्राथमिक चर्चा करण्यात आली.

sangli-market-commiti-news-petition-of-three-districts-including-sangli-against-tribhajan

तीन जिल्ह्यातील सभापती आणि संचालकांचे लवकरच एकत्र बैठक घेणार आहेत. न्यायालयात जाण्याबरोबरच या निर्णयावर शासन स्तरावर पाठपुरावा करण्याबाबत त्यांनी प्रयत्न करण्यात येणार असल्याचे सांगली बाजार समितीचे सभापती शिंदे यांनी सांगितले.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.