ashta crime news : आष्ट्यात विहिरीत बुडून दोघांचा मृत्यू : आष्टा येथील नागाव रस्त्यावरील झोपडपट्टीत राहणारे अजय पपन बागडी वय 19 व केराप्पा धोंडिराम बागडी वय 27 या दोघांचा विहिरीत पोहत असताना बुडून मृत्यू झाला. ही घटना बुधवार 30 एप्रिल रोजी दुपारी दोन वाजणेच्या सुमारास घडली.
ashta crime news : आष्ट्यात विहिरीत बुडून दोघांचा मृत्यू
याबाबत घटनास्थळ व आष्टा पोलिसांच्याकडून मिळालेली माहिती अशी, बुधवार 30 एप्रिल रोजी दुपारी दोन वाजणेच्या सुमारास अजय बागडी व केराप्पा बागडी हे जगन्नाथ धोंडीराम मस्के यांच्या गट क्र.170 मधील विहिरीत पोहण्यासाठी गेले होते. पोहताना केराप्पा याला दम लागला असल्याने त्याने भीतीने अजय याला घट्ट मिठ्ठी मारली. अजय हा पट्टीचा पोहणारा असूनही केराप्पा याच्या मिठ्ठीतून त्याची सुटका होऊ शकली नाही.
त्यामुळे दोघांचाही या घटनेत मृत्यू झाला. घटनेची माहिती मिळताच घटनास्थळी विहिरीभोवती बघ्यांनी मोठी गर्दी केली होती. घटनास्थळी आष्टा पोलीस व डिग्रज येथील रेस्क्यू टीम दाखल झाली व त्यांनी विहिरीतून मृतदेह बाहेर काढले. आष्टा ग्रामीण रुग्णालयात शवविच्छेदन करण्यात आले. घटनेबाबत डॉ.नाजरे यांनी आष्टा पोलीस ठाण्यात फिर्याद दिली आहे.
ashta-crime-news-two-people-died-after-drowning-in-a-well-in-ashta
अजय बागडी याच्या पश्चात आई आहे. तर केराप्पा याच्या पश्चात आई, वडील, पत्नी व दोन मुले आहेत. दोघेही चिनी मातीच्या बरणी विक्रीचा व्यवसाय करीत होते. मृतदेह पाहताच नातेवाईकांनी एकच आक्रोश केला.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
