sangli crime news : सांगलीत नराधम बापाने केले पोटच्या मुलीवर अत्याचार : : सांगली : शहरातील एका परिसरात राहणार्‍या 20 वर्षीय तरुणीवर बापानेच अत्याचार केल्याची धक्कादायक घटना उघडकीस आली. या नराधम बापाने मुलीचे अश्लील व्हिडीओ काढून धमकी दिल्याचेही उघडकीस आले. या प्रकरणी पीडित मुलीने सांगली शहर पोलीस ठाण्यात फिर्याद दिली आहे. पीडितेच्या फिर्यादीवरून पोलिसांनी गुन्हा दाखल करत तात्काळ तपासाची चक्रे फिरवून नराधम पित्यास अटक केली आहे.

sangli crime news : सांगलीत नराधम बापाने केले पोटच्या मुलीवर अत्याचार :

अश्लील व्हिडीओ काढले : संशयित बापास केले जेरबंद.

याबाबत पोलिसांकडून मिळालेली अधिक माहिती अशी कि, पीडित मुलगी वीस वर्षीय असून ती आपल्या कुटुंबियांसह शहरातीलच एका परिसरात राहते. सध्या पीडित मुलगी हि शिक्षण घेत आहे. शनिवारी पहाटेच्या सुमारास मुलगी बाथरूमसाठी उठली होती.

ती बाथरूममधून बाहेर आल्यानंतर तुझ्याशी बोलायचे आहे, असे सांगून बापाने तिला आपल्या बेडरूममध्ये बोलावून घेतले. त्यानंतर बेडरूमचा दरवाजा बंद करून घेतला. तुझ्या आईला सांगलीवाडीची जागा विकायला सांग, असे बापाने पिडीत मुलीला बजावले. त्यावेळी मुलीने जागा विकायचे काय कारण आहे, असा सवाल केला. याचा राग आल्याने बापाने मुलीला हाताने मारहाण केली.

त्यानंतर मुलीशी अश्लील चाळे सुरु केले. तिच्या अंगावरील कपडे ओढून काढून तिचे तोंड ओढणीने बांधले. नग्न आवस्थेत तिचे व्हिडिओ चित्रण केले. त्यानंतर तो व्हिडीओ व्हायरल करण्याची धमकी देऊन जबरदस्तीने तिच्याशी शरीरसंबंध ठेवले. घडलेल्या या प्रकारानंतर पीडित मुलीने शहर पोलिसांत धाव घेऊन नराधम बापाविरुद्ध फिर्याद दिली. पोलिसांनी तात्काळ त्याला अटक केली आहे.

sangli-crime-news-a-brutal-father-tortured-his-stepdaughter-in-sangli

ही गंभीर घटना समोर येताच शहर विभागाच्या पोलीस उपाधीक्षक श्रीमती विमला एम. यांनी पीडित मुलीच्या घरी भेट देऊन अधिक माहिती घेतली आहे. पुढील तपास शहर पोलीस करत आहेत.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.