sangli news : सडलेल्या यंत्रणेचा आवाज – एक सत्तेच् बहिरेपणा : सत्तेच्या प्रासादात एक वास दरवळत होता – सडकेपणाचा, फसवेगिरीचा, आणि निष्क्रियतेचा. ही वास काही नवीन नव्हती, पण ती इतकी खोलवर गेलेली होती की तिला नाकांनी नव्हे, तर मनाच्या घ्राणेंद्रियांनी ओळखावं लागत होतं. सांगली, मिरज, कुपवाड – या त्रिसंधी महानगरात, एक उपायुक्त गळफासात सापडला नाही, तर स्वतःहून लाचलुचपतच्या जाळ्यात झेपावला. वैभव विजय साबळे – नावातच वैभव, पण वागण्यात गहाणखोरी. २४ मजली इमारतीसाठी मागितलेली ७ लाखांची लाच म्हणजे फक्त त्याच्या भ्रष्टतेच्या इमारतीचा एक टक्का मजला होता.
sangli news : सडलेल्या यंत्रणेचा आवाज – एक सत्तेच् बहिरेपणा
परंतु ही कहाणी फक्त लाचखोरीची नाही – ही कहाणी आहे नाट्य आणि नैतिक अधःपतनाची.
ही कहाणी आहे अशा माणसाची, ज्याने आपल्या जन्माच्या दिवशीच “कर्णबधीर” असल्याचं सर्टिफिकेट उभारलं – जणू नियतीनेच त्याच्या कानात नव्हे, तर संपूर्ण प्रशासनात बहिरेपणाचा आदेश दिला असावा!
एमपीएससी परीक्षा म्हणजे अनेक तरुणांचे स्वप्न. कोणी रात्र जागून अभ्यास करतो, कोणी उपासमार करत पुस्तके विकत घेतो. आणि इकडे – एक असा युवक, जो खोटं प्रमाणपत्र लावतो, व्याख्यानं ऐकत ऐकत ‘कर्णबधीर’ असतो, आणि परीक्षाही उत्तीर्ण होतो.
पूजा खेडकर नावाच्या फसवेगिरीच्या महापुरात जेव्हा खरं रूप उघड झालं, तेव्हा साबळेने तातडीने एक श्रवणयंत्र लावलं — बघा, किती गंमत आहे! श्रवणयंत्राऐवजी लाजेचा कानात लावलेला ध्वनी त्याने ऐकायला हवा होता. पण लाज ही आता या यंत्रणेमधून कायमची बहिरी झाली आहे.
यंत्रणा बहिरी नाही, आता ती मूक, अंध आणि नि:स्पंद झाली आहे. जनतेच्या व्यथा ऐकायला ती बहिरी आहे. तक्रारींवर कारवाई करायला ती मूक आहे. आणि आपल्या डोळ्यांपुढे होणाऱ्या अन्यायाकडे पाहायला ती अंध आहे.
साबळे एकच नाही — असे अनेक ‘साबळे’ आज विविध पदांवर बसले आहेत. त्यांच्या पात्रतेचं सर्टिफिकेट नाही, पण त्यांचं अहंकार मात्र खऱ्याखुऱ्या गवर्नमेंट स्टॅम्पसारखं मिरवतं. ते खुर्चीवर बसतात, पण त्या खुर्चीची उंची त्यांच्या मूल्यांपेक्षा जास्त असते.
The voice of a rotten system – the deafness of a power
ही केवळ एक व्यक्तीची गोष्ट नाही — ही आपल्या यंत्रणेच्या कुचकामीपणाची साक्ष आहे.
फसवून आलेले लोक फक्त सरकारी नोकरी घेत नाहीत, ते प्रशासनाची आत्मा हरवून टाकतात. ते जनतेच्या मनात असलेली श्रद्धा मारून टाकतात. आणि शेवटी, ही श्रद्धाहीन जनता कोणावर विश्वास ठेवणार?
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
