bhose news : भोसेत आज रविवारी काँग्रेसचा प्रचार शुभारंभ विकास, विश्वास आणि परंपरेचा नवा अध्याय : संपूर्ण जिल्ह्याचे लक्ष वेधून घेणार्‍या भोसे जिल्हा परिषद मतदारसंघात रविवारी सकाळी काँग्रेस पक्षाच्या प्रचाराचा मंगलमय शुभारंभ होणार आहे. मान्यवरांच्या उपस्थितीत, उत्साह आणि आशेच्या वातावरणात हा प्रचार प्रारंभ सोहळा पार पडणार असून भोसेच्या राजकीय इतिहासात आणखी एक महत्त्वाचे पान लिहिले जाणार आहे.

bhose news : भोसेत आज रविवारी काँग्रेसचा प्रचार शुभारंभ विकास, विश्वास आणि परंपरेचा नवा अध्याय

काँग्रेसचा बालेकिल्ला म्हणून ओळखला जाणारा हा मतदारसंघ आजवर नेहमीच काँग्रेसच्या उमेदवारांच्या पाठीशी ठामपणे उभा राहिला आहे. जनतेच्या विश्वासावर उभ्या राहिलेल्या या परंपरेला पुढे नेत यंदा काँग्रेस पक्षाने जिल्हा परिषदेसाठी सांगली कृषी उत्पन्न बाजार समितीचे माजी सभापती, युवकांचे आशास्थान आणि अभ्यासू नेतृत्व दिनकरराव पाटील यांना उमेदवारी दिली आहे.

तर भोसे पंचायत समिती मतदारसंघातून शिक्षक बँकेचे माजी अध्यक्ष महावीर बस्तावडे आणि सोनी पंचायत समिती मतदारसंघातून कार्यकर्त्यांमध्ये लोकप्रिय असलेले गजानन माळी यांना उमेदवारी देण्यात आली आहे. या तिन्ही उमेदवारांना काँग्रेस तसेच दोन्ही राष्ट्रवादी काँग्रेस पक्षांचा ठाम पाठिंबा लाभला आहे.

रविवारी सकाळी साडेनऊ वाजता भोसे गावचे ग्रामदैवत श्री हनुमान मंदिर येथे नारळ फोडून प्रचाराचा श्रीगणेशा करण्यात येणार आहे. त्यानंतर संपूर्ण गावातून पदयात्रेच्या माध्यमातून मतदारांच्या प्रत्यक्ष भेटी, गावातील मंदिरांना दर्शन आणि आशीर्वाद घेत अखेर गांधी चौकात भव्य जाहीर सभा आयोजित करण्यात आली आहे. ही सभा म्हणजे विकासाच्या विचारांचा, विश्वासाच्या संवादाचा आणि लोकशक्तीच्या एकजुटीचा उत्सव ठरणार आहे.

भोसे, सोनी, करोली, सिद्धेवाडी, कळंबी, ताणंग, मानमोडी, कांचनपूर, रसूलवाडी, सांबरवाडी आदी गावांतील विविध संस्थांचे पदाधिकारी, ग्रामपंचायतीचे सदस्य आणि सर्व मतदारांनी मोठ्या संख्येने उपस्थित राहावे, असे आवाहन काँग्रेसच्या उमेदवारांकडून करण्यात आले आहे.

उमेदवारी जाहीर झाल्यापासून दिनकर पाटील, महावीर बस्तावडे आणि गजानन माळी यांनी मतदारांच्या वैयक्तिक गाठीभेटींवर भर दिला असून गावोगावी त्यांना उत्स्फूर्त प्रतिसाद मिळत आहे. प्रत्येक भेटीत विकासाची भाषा, कामाचा लेखाजोखा आणि भविष्यासाठीचा स्पष्ट दृष्टिकोन मांडला जात असल्याने जनतेमध्ये सकारात्मक वातावरण निर्माण झाले आहे.

भोसे जिल्हा परिषद मतदारसंघाने आजवर काँग्रेस पक्षाच्या उमेदवारांना घवघवीत यश मिळवून दिले आहे. खासदार विशाल पाटील, माजी मंत्री व माजी आमदार अजितराव घोरपडे, तसेच माजी मंत्री व आमदार जयंतराव पाटील यांच्या नेतृत्वाखाली या मतदारसंघाचा कायापालट झाला आहे. रस्ते, पाणी, शिक्षण, शेती आणि सामाजिक विकासाच्या अनेक योजना या भागात प्रत्यक्ष उतरल्या आहेत.

ही निवडणूक आम्ही विकासाच्या मुद्द्यावर लढत आहोत. जनतेचा प्रतिसाद अत्यंत सकारात्मक आहे, असे ठाम मत जिल्हा परिषद उमेदवार दिनकरराव पाटील यांनी व्यक्त केले. विश्वास, परंपरा आणि विकासाच्या त्रिसूत्रीवर उभा असलेला हा प्रचार भोसेच्या राजकारणात नवी उमेद आणि नवे पर्व घडवणारा ठरणार आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.