devendra fadnvis news : मुख्यमंत्री फक्त ईश्वरपूरमध्ये का? :

कारण एकच:
ईश्वरपूर वगळता महायुतीत सर्वत्र भांडण, बंड, कलह आणि घरचा लढा.
मुख्यमंत्र्यांना इतरत्र सभा घ्यायची असेल, तर त्यांना मुख्य विरोधकांवर नव्हे,
तर स्वतःच्या महायुतीतील बंडखोरांवरच वार करावे लागतील!
हा राजकीय पेच टाळण्यासाठी जिल्ह्यातील इतर सभा टाळल्या गेल्या.

devendra fadnvis news : मुख्यमंत्री फक्त ईश्वरपूरमध्ये का?

महायुतीची सत्ता राज्यात असली, तरी सांगली जिल्ह्याच्या राजकारणात आज वेगळंच चित्र दिसतंय. नगरपालिका निवडणुकीची रणधुमाळी शिगेला पोहोचली आहे आणि महायुतीचे ‘एकसंघ’ स्वप्न अनेक ठिकाणी धुळीस मिळालं आहे. ईश्वरपूर सोडला तर संपूर्ण जिल्ह्यात महायुतीला घरचा लढा द्यावा लागतोय. म्हणूनच मुख्यमंत्री देवेंद्र फडणवीस यांची सभा फक्त ईश्वरपूरमध्ये — बाकी कुठेही नाही!

ईश्वरपूर 

ईश्वरपूरमध्ये भाजपचे नगराध्यक्षपदाचे उमेदवार विश्वनाथ डांगे आणि महायुतीचे पॅनेल उभे आहे. येथे शरद पवार यांच्या राष्ट्रवादीशी थेट टक्कर असल्याने मुख्यमंत्री आले, सभा ठेवली, जोराचा प्रचार सुरू आहे.
पण हा एकमेव अपवाद.

आष्टा — महायुतीचे ‘त्रिदल युद्ध’

आष्ट्यात नगराध्यक्ष पदासाठी अजित पवार गटाचे प्रविण माने मैदानात.
पण नगरसेवक पदासाठी भाजप, शिवसेना-शिंदे गट आणि अजित पवार गट यांच्यात कोणताही समझोता नाही.
महायुतीचे उमेदवार एकमेकांवरच धावून जातायत.

विटा — BJP विरुद्ध Shinde Sena थेट भिडंत

विट्यात चित्र अजूनच वेगळं.
शिंदे गटासाठी एकनाथ शिंदे यांची सभा,
तर भाजपसाठी रविंद्र चव्हाण आणि चंद्रकांत पाटील मैदानात.
इथे तर रविंद्र चव्हाण यांनीच एकनाथ शिंदेंना चिमटा काढला:
“एक नंबरचं पद म्हणजे मुख्यमंत्री. दोन नंबरच्या पदाला किंमत नसते!”
यानंतर विट्यात महायुती नावाचा गाठोडाच फाटलं.

शिराळा — ‘युतीचे’ हास्यास्पद वास्तव

शिराळ्यात तर अजित पवार गटाने शरद पवारांच्या राष्ट्रवादीशीच युती केली आहे.
भाजपचा आमदार असूनही भाजपने शिवसेना-शिंदे गटाला नगराध्यक्षपद दिलं.
पण भाजपचे नेते मात्र दिसलेच नाहीत!
सम्राट महाडिकसारखा मजबूत चेहरा असूनही महायुतीतच ताळमेळ नाही.

तासगाव — मुख्यमंत्र्यांच्या आदेशाचा ‘उडवाउडवीने भंग’

मुख्यमंत्र्यांनी स्पष्ट आदेश दिला —
“अजित पवार गटासोबत हातमिळवणी करा.”
पण स्थानिक पदाधिकार्‍यांनी आदेश हवेत उडवत स्वतःचे स्वतंत्र पॅनेल उभं केलं.
परिणाम — संदीप गिड्डेंची नाराजी आणि घरातच घरफोडी!

आटपाडी — भाजप विरुद्ध शिंदेसेना उघडयुद्ध

येथे अमरसिंह देशमुख आणि गोपीचंद पडळकर यांच्या विरोधात तानाजी पाटील आणि सुहास बाबर.
महायुतीची लढाई विरोधकांसोबत नाही;
महायुतीची लढाई महायुतीमध्येच!

जत — तिघांची कुस्ती, युतीचा पत्ता नाही

जतमध्ये काँग्रेस, अजित पवार गट, भाजप — तिन्ही पक्ष मैदानात.
अजित पवार गटाचे विलासराव जगताप यांनी सुरेश शिंदे यांना उमेदवार दिला.
भाजप आणि महायुतीचे घटकपक्ष एकत्रच नाहीत.

रोखठोक निष्कर्ष

सांगली जिल्ह्यात महायुतीचे चित्र असे —
ईश्वरपूरमध्ये एकजूट,
बाकी सर्व ठिकाणी गोंधळ, तणाव आणि एकमेकांवरच हल्ले.

महायुतीची ‘मोठी मोट’ केवळ कागदावर दिसते,
जमीनीवर मात्र
महायुती एकमेकांचीच कोंडी करते आहे.

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.