islampur nagarpalika news : इस्लामपूर नगरपरिषदेची निवडणूक राष्ट्रवादीच्या तुतारीवर; शहराच्या विकासासाठी आ. जयंत पाटील यांचा निर्धार : इस्लामपूर नगरीत आगामी नगरपरिषद निवडणुकीचा रणशिंग फुंकले गेले असून, ही निवडणूक राष्ट्रवादी काँग्रेस पक्षाच्या तुतारी या अधिकृत चिन्हावर लढविण्याचा निर्णय घेण्यात आला आहे. पक्षाचे ज्येष्ठ नेते व राज्याचे माजी मंत्री आ. जयंत पाटील यांनी ही घोषणा करताना सांगितले की, “शहरातील प्रत्येक नागरिकाच्या मनात घर करणारा उमेदवारच आम्ही नगराध्यक्षपदासाठी उभा करीत आहोत.”
islampur nagarpalika news : इस्लामपूर नगरपरिषदेची निवडणूक राष्ट्रवादीच्या तुतारीवर; शहराच्या विकासासाठी आ. जयंत पाटील यांचा निर्धार
नगराध्यक्षपदासाठी माजी नगराध्यक्ष आनंदराव मुलगुंडे यांच्या नावावर सर्वानुमते शिक्कामोर्तब झाले असून, त्यांचा 35 वर्षांचा नगरपालिका कारभाराचा अनुभव इस्लामपूरच्या सर्वांगीण विकासाला दिशा देईल, असा विश्वास आ. पाटील यांनी व्यक्त केला.
या वेळी प्रा. शामराव पाटील, धैर्यशील पाटील यांचीही उपस्थिती होती. महाविकास आघाडीतील घटक पक्ष — काँग्रेस आणि शिवसेना — यांच्याशी राष्ट्रवादी काँग्रेसचे शहराध्यक्ष सातत्याने संपर्कात असून, समन्वयाच्या बळावर इस्लामपूर नगरपरिषदेचा किल्ला आम्ही पुन्हा जिंकू, असा ठाम निर्धार आ. पाटील यांनी व्यक्त केला.
निवडणुकीसंदर्भात मतदारयादीतील अनियमिततेवर भाष्य करताना आ. पाटील म्हणाले, “शहरातील 15 प्रभागांमधील अनेक मतदारांची नावे चुकीच्या प्रभागात दाखल झाल्याने नागरिकांना मतदानात अडचणी निर्माण झाल्या आहेत. ही गंभीर बाब असून आम्ही निवडणूक आयोगाकडे अधिकृत हरकती नोंदवल्या आहेत.”
शहराच्या विकासाचा आराखडा तयार ठेवून, नागरिकांच्या विश्वासाचा पाया अधिक भक्कम करण्याचा निर्धार राष्ट्रवादी काँग्रेसने व्यक्त केला असून, इस्लामपूरच्या जनतेसमोर ही निवडणूक विकास विरुद्ध स्थगिती अशा स्वरूपात उभी राहणार आहे.
“इस्लामपूरचा विकास, नागरिकांचा विश्वास — हाच आमचा ध्यास,” असे आवर्जून सांगत आ. जयंत पाटील यांनी निवडणूक प्रचाराचा बिगुल फुंकला.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
