samdoli zp election : samdoli zp election : समडोळी मतदारसंघात किरण कुंभार यांच्या नेतृत्वाभोवती उभी ठाकलेली जनतेची आशेची फळी! : जिल्हा परिषद आणि पंचायत समिती निवडणुकीच्या रणशिंगाने सारा परिसर पुन्हा एकदा गजबजला आहे. समडोळी मतदारसंघ पुन्हा एकदा नागरिकांचा मागास प्रवर्गासाठी राखीव झाला आहे. या मतदारसंघात समडोळी, हरिपूर, अंकली, धामणी, जुनी धामणी, निलजी, बामणी आणि ढवळी ही गावे सामील आहेत — आणि आता पुन्हा एकदा राजकारणाच्या पटावर या भागात रंगतदार लढत रंगण्याची चिन्हे दिसत आहेत.
samdoli zp election : समडोळी मतदारसंघात किरण कुंभार यांच्या नेतृत्वाभोवती उभी ठाकलेली जनतेची आशेची फळी!
काँग्रेसचा गड म्हणून ओळखला जाणारा हा मतदारसंघ गेल्या निवडणुकीत भाजपने खणखणीत मुसंडी मारत इतिहास रचला. हरिपूर येथील शोभा कांबळे यांनी पहिल्यांदाच कमळ फुलवून पक्षाचा झेंडा गावागावात रुजवला. त्यांच्या विजयाच्या मागे अनेक हात होते, पण सर्वात प्रभावी हात होता अंकलीचे माजी सरपंच किरण कुंभार यांचा — जनतेत मिसळलेला, लोकांमध्ये जगणारा, कामातून विश्वास कमावणारा हा नेता.
सुरुवात संघर्षातून, आज विकासाची नवी दिशा
सुरुवात संघर्षातून, आज विकासाची नवी दिशा२००५ साली ग्रामपंचायत सदस्य म्हणून सुरुवात करणाऱ्या किरण कुंभार यांनी राजकारण म्हणजे सत्तेचा नव्हे तर सेवेचा मार्ग आहे हे दाखवून दिले. आपल्या कारकिर्दीत त्यांनी अंकलीसाठी कोट्यवधींची विकासकामे करून गावाचा चेहरामोहरा बदलला. स्व. मदन पाटील यांच्या मार्गदर्शनाखाली तयार झालेल्या या नेत्याने २००९ पासून कार्यसम्राट आमदार सुधीर गाडगीळ आणि शेखर इनामदार यांच्या नेतृत्वाखाली काम करत पक्षनिष्ठेचे अद्वितीय उदाहरण घालून दिले.
ग्रामपंचायत ते जिल्हा पातळी — सेवा आणि स्वाभिमानाची वाटचाल
ग्रामपंचायत ते जिल्हा पातळी — सेवा आणि स्वाभिमानाची वाटचालअंकलीच्या प्रभारी सरपंचपदावरून सुरुवात करून पुढे सरपंच म्हणून जबाबदारी सांभाळताना किरण कुंभार यांनी गावात स्थायी पाणीपुरवठा योजना आणण्यासाठी मुंबईपर्यंत धाव घेतली. त्यांच्या चिकाटीमुळे मुख्यमंत्री पेयजल योजनेतून अंकलीला कायमस्वरूपी पाणीपुरवठा मंजूर झाला. त्याचबरोबर आमदार गाडगीळ यांच्या फंडातून जवळपास १० कोटी रुपयांची कामे पूर्ण झाली.
आज त्यांच्या पुढाकाराने अंकलीच्या नदीकिनारी ४ कोटी ९५ लाखांचा घाट प्रकल्प मंजूर झाला आहे — फक्त घाट नव्हे, तर ती गावाच्या सौंदर्याची ओळख ठरणारी निर्मिती होईल. ग्रामपंचायतीसाठी त्यांनी बांधलेली नूतन इमारत हे प्रशासनातील पारदर्शकतेचे आणि जनसेवेच्या उत्कटतेचे प्रतीक ठरले आहे.
समाजकारणातील दिशा आणि कुंभार समाजाची ऐक्ययात्रा
समाजकारणातील दिशा आणि कुंभार समाजाची ऐक्ययात्राराजकारणाच्या पलीकडे जाऊन त्यांनी सांगली जिल्हा कुंभार समाजाचे नेतृत्व स्वीकारले. कायम दुर्लक्षित राहिलेल्या या समाजातील तरुणांना त्यांनी एकत्र आणले, त्यांच्यात आत्मविश्वास निर्माण केला आणि समाजोपयोगी उपक्रमांची नवी परंपरा सुरू केली. सांगली–कोल्हापूर रोडवर १७.५ गुंठे जागेत ५००० चौ.फुटांचे सामाजिक सभागृह बांधून समाजासाठी कायमस्वरूपी स्थळ निर्माण केले — हे केवळ एक बांधकाम नव्हे, तर कुंभार समाजाच्या सन्मानाचे प्रतीक ठरले आहे.
जनतेच्या मनातील मागणी
जनतेच्या मनातील मागणी२५ ते ३० वर्षांच्या सामाजिक प्रवासात प्रत्येक समाजघटकाला न्याय मिळावा, विकास सर्वांच्या दारी पोचावा, या भावनेने त्यांनी कार्य केले. त्यांच्या कामातूनच अंकली आणि परिसरातील जनतेच्या मनात आज एकच आवाज घुमतोय —
“या वेळी किरण कुंभार यांनाच भाजपने उमेदवारी द्यावी — कारण हा नेता केवळ पक्षाचा नाही, तर जनतेच्या हृदयाचा आहे!”
जनतेच्या मनातील प्रेम, समाजातील ऐक्य, आणि विकासाची अखंड परंपरा — या तिन्हीचा संगम म्हणजे किरण कुंभार.
आता जिल्हा परिषदेच्या या नव्या रणधुमाळीत त्यांच्याभोवती उभे ठाकलेले हे जनआंदोलन केवळ निवडणुकीपुरते मर्यादित नाही, तर सामाजिक बदलाच्या नव्या अध्यायाची सुरुवात आहे.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
