sangli peth mahamarg : सांगली-पेठ महामार्ग पूर्ण, पण अन्याय अजूनही रस्ता रोखतोय!” : सांगली-पेठ महामार्गाचे काम अखेर अनेक वर्षांच्या प्रतीक्षेनंतर पूर्ण झाले… हो, काम पूर्ण झाले, पण हा रस्ता आता एका नव्या संकटाच्या उंबरठ्यावर उभा आहे – आणि तो संकट म्हणजे टोल नाका!

sangli peth mahamarg : सांगली-पेठ महामार्ग पूर्ण, पण अन्याय अजूनही रस्ता रोखतोय!”

ज्येष्ठ उद्योजक व सावकार सुकुमार चौगुले यांनी या अन्यायावर स्पष्ट शब्दांत संताप व्यक्त केला आहे. त्यांच्या मते, सार्वजनिक हितासाठी उभारण्यात येणाऱ्या रस्त्याचं स्वागत सर्वसामान्य नागरिकांनी केलं. परंतु, जेव्हा त्या रस्त्यावर टोल नाका टाकण्याचा निर्णय घेतला गेला, तेव्हा त्या मागे लपलेला लुटीचा डाव समोर यायला लागला. कसबे डिग्रज येथील ४० शेतकरी त्यांच्या हक्काच्या जमिनीवरून उघड विरोध करत आहेत. शेतकऱ्यांच्या जिवाभावाच्या शेतीवर बळजबरीने टोल नाका थोपवला जातोय – आणि हे सगळं सरकारच्या निर्दयी धोरणांचा भाग आहे.

रस्ता विस्तारित… पण कायद्यानं नव्हे, मनमानीनं!

महामार्गाचे काम करताना रस्त्याची रूंदी वाढवण्यात आली – पण ती नियमानुसार नव्हे, तर शासनाच्या मनमानीनं. कोणतीही स्पष्ट अधिसूचना नाही, कोणतीही शेतकऱ्यांची संमती नाही, आणि कोणताही पर्याय न देता, शेतकऱ्यांच्या जमिनीवर बुलडोझर चालवले जात आहेत. हा अन्याय नाही का?

 “शासन विकासाच्या नावाखाली जमीन घेते, पण त्या बदल्यात न्याय मात्र देत नाही. शेतकऱ्यांच्या मागण्या सरकारकडून सातत्याने डावलल्या जात आहेत. हे थांबवले पाहिजे.”

शेतकरी रस्त्यावर, सरकार मात्र गाढ झोपेत

हा प्रश्न नवीन नाही. आधीही आंदोलने झाली, मागण्या मांडल्या, चर्चा झडल्या – पण सत्ताधाऱ्यांच्या कानांवर टाळ्यांचा आवाजही पोहोचत नाही. शेतकऱ्यांचा आक्रोश, रस्त्यावरचे मोर्चे आणि निवेदने या सरकारला “विकास” म्हणवून घेतलेल्या प्रकल्पाच्या खालून जातात, पण त्यामध्ये लोकशाहीचा गंधही नसतो.

sangli-peth-mahamarg-sangli-peth-highway-is-complete-but-injustice-is-still-blocking-the-road

आमची मागणी स्पष्ट आहे – अन्याय दूर करा!

कसबे डिग्रजमधील शेतकऱ्यांना तात्काळ न्याय द्या. टोल नाक्याची जागा बदलण्याचा पर्याय विचारात घ्या. रस्त्याच्या रूंदीकरणाच्या प्रक्रियेत पारदर्शकता आणा. आणि सर्वात महत्त्वाचं म्हणजे – शेतकऱ्यांच्या सहमतीशिवाय कोणताही प्रकल्प राबवू नका.

“विकासाच्या नावाखाली जमीन हडपणे हा गुन्हा आहे, धोरण नाही!”

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.