dakshin bharat jain sabha news : दक्षिण भारत जैन सभा – कळकळीचे आवाहन : मराठवाड्याची धरती आज रडते आहे… आभाळाने कोसळून दिलेले पाणी, नदीच्या पुरात उठलेली लाट आणि त्या लाटांनी गिळून टाकलेली असंख्य स्वप्नं! कालपर्यंत हिरव्या शिवारात पिकलेली आशा, शेतकऱ्याच्या तळहातावर उमललेलं भविष्य – आज मात्र त्या साऱ्याला महापुराने पुसून टाकलं आहे.
dakshin bharat jain sabha news : दक्षिण भारत जैन सभा – कळकळीचे आवाहन
संसाराची चूल विझली,
शेतीचा घाम वाहून गेला,
लेकरांचे हास्य रडण्यात बदलले,
वृद्धांच्या डोळ्यांतल्या सुरकुत्यांत निराशेचे ढग साचले.
निसर्गाच्या या थैमानानं माणूस अक्षरशः हतबल झाला आहे.
पण…!
इतिहास सांगतो – संकटं येतात, पण ती माणुसकीच्या ओलाव्याने कमी होतात.
“
जोडलेल्या हातांपेक्षा मदत करणारे हात श्रेष्ठ असतात ” – या वाक्याला सत्यात उतरवण्याची हीच वेळ आहे.
बंधूंनो, आपण केलेला प्रत्येक थेंब दान म्हणजे एखाद्या आईच्या डोळ्यातला अश्रू पुसणारी ओल,
एखाद्या लेकरासाठी भरलेली थाळी,
एखाद्या शेतकऱ्यासाठी पुन्हा नांगर धरायचं बळ!
आपण आपल्या कुवतीप्रमाणे योगदान देवू शकता –
५,००० / १०,००० / १५,००० / २०,००० / २५,००० रुपये…
किंवा आपल्या मनाला वाटेल तितकी अमूल्य मदत.
योगदानासाठी खाते तपशील :
Account Name : दक्षिण भारत जैन सभा
Bank Name : Bank Of Baroda Br. Sangli
Account No. : 04410100037689
IFSC Code : BARB0SANGLI
आज आपण दिलेली मदत म्हणजे –
उद्ध्वस्त संसारासाठी नव्या पहाटेचं स्वागत,
भुकेल्या पोटासाठी जीवनदायी अन्न,
तुटलेल्या मनासाठी आशेचा उजेड.
या आपत्तीग्रस्तांना आपणच आधार आहोत.
आपल्या सहकार्यामुळेच त्यांच्या जीवनातला अंधार दूर होईल आणि नव्या स्वप्नांचा सूर्य पुन्हा उगवेल.
चला, माणुसकीच्या या धर्मयज्ञात प्रत्येकाने एक अर्पण करुया!
आपल्या मदतीनं त्यांच्या डोळ्यांतलं पाणी हसण्यात बदलेल –
हाच खरा दानधर्म, हाच खरा परोपकार, हाच खरा जीविताचा अर्थ!
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
