raju shetti news : माती आमची, लढाई आमची… पण मोबदला कुणाचा?”” शक्तीपीठ महामार्गासाठी आपली वंशपरंपरागत जमीन सरकारच्या ताब्यात देणाऱ्या शेतकऱ्यांना आजही न्याय मिळालेला नाही. ८ वर्षांपूर्वी रत्नागिरी–नागपूर महामार्गासाठी काहींना लाखो रुपयांचा मोबदला मिळाला. पण आज, आपल्या गावच्या जमिनी कितीला जाणार, हे सरकारला सांगता येत नाही.
raju shetti news : माती आमची, लढाई आमची… पण मोबदला कुणाचा?”
शक्तीपीठ महामार्गाचे समर्थन करणारे नेते व कार्यकर्ते मोठमोठ्या घोषणा करतात, पण शेतकऱ्यांच्या डोळ्यांत उतरलेले अश्रू ते पाहत नाहीत. गावागावात सरकारच्या घोषणांचा गजर होतो, पण जमिनीचा दर विचारल्यावर सरकार गप्प का होते?
राजू शेट्टी म्हणाले, “ज्यांना समर्थन करायचंय त्यांनी आधी आपल्या गावातील जमिनीचा मोबदला किती मिळणार ते जाहीर करा, मगच बोला.”
आजवर काही गावांमध्ये रत्नागिरी–नागपूर महामार्गासाठी जमिनीचे दर असे होते:
- थिये-भुये : १ कोटी ते १ कोटी ६० लाख रुपये प्रति एकर
- नागाव : १ कोटी ७८ लाख रुपये प्रति एकर
- हेळवे : १ कोटी ९२ लाख रुपये प्रति एकर
- इतर ठिकाणीही किमान १ कोटी २० लाख रुपये एकराहून अधिक.
मग आपल्या गावाला असा मोबदला का नाही?
शेतकऱ्यांच्या स्वप्नांवर डाग देऊन, त्यांची जमीन हिसकावून घेण्याचा डाव सुरू आहे का, असा सवालही शेतकऱ्यांकडून केला जातो.
“सरकारची गोंडस आश्वासने आणि शेतकऱ्यांची जळती काळजी”
“सरकारची गोंडस आश्वासने आणि शेतकऱ्यांची जळती काळजी”शक्तीपीठ महामार्गाला विरोध करणाऱ्यांना आणि समर्थन करणाऱ्यांना राजू शेट्टी यांनी थेट सवाल केला आहे — “ज्या सरकारला आजवर शेतकऱ्यांना मोबदला किती देणार हे सांगता आले नाही, त्यांना तुम्ही डोळे झाकून समर्थन का करता?”
शेतकऱ्यांची माती, त्यांची ओढ, त्यांचे डोळ्यातले पाणी… हे कोण समजून घेणार?
शेट्टी म्हणतात, “जमिनीच्या मोबदल्याचा दर गावनिहाय जाहीर करा. किती मिळणार ते स्पष्ट करा. मग समर्थन करा.”
आज शेतकऱ्यांच्या नावावर राजकारण करणारे सरकार आणि कार्यकर्ते दोघंही एकमेकांशी स्पर्धा करत आहेत, पण शेतकऱ्यांना न्याय देण्यासाठी कोण उभं राहतंय?
रत्नागिरी–नागपूर महामार्गावर ८ वर्षांपूर्वी जे दर दिले गेले, तेच का मिळू नयेत, असा सवाल शेतकरी करत आहेत.
Author: Rajkiya Live
दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.
