शांतीसागर को-ऑप क्रेडिट सोसायटीच्या यशाचा नवा अध्याय – नेतृत्वात नवसंजीवनी, 100 कोटींच्या टप्प्याकडे भक्कम वाटचाल

 shantisagar sosayti samdoli : सहकाराचा नवयुग – नेतृत्वात समावेशकता आणि दूरदृष्टी : समडोळी गावच्या मातीपासून उगम पावलेली आणि गोरगरीब जनतेच्या विश्वासावर उभी राहिलेली शांतीसागर को-ऑप क्रेडिट सोसायटी, आता स्वप्नांच्या नव्या उंचीवर झेपावत आहे. संस्थापक चेअरमन सुरेश पाटील आणि सध्याचे चेअरमन राजवर्धन पाटील यांच्या दूरदृष्टी, कर्तृत्व आणि सुस्पष्ट नेतृत्वाखाली संस्थेने आता 100 कोटी रुपयांच्या टप्प्याकडे यशस्वी वाटचाल सुरू केली आहे.

shantisagar sosayti samdoli : सहकाराचा नवयुग – नेतृत्वात समावेशकता आणि दूरदृष्टी

या वाटचालीत नवसंजीवनी मिळावी म्हणून, संस्थेने अलीकडेच उपाध्यक्ष, चार संचालक आणि एक तज्ज्ञ संचालक अशा नव्या नेतृत्वाची निवड करत संस्था पुनर्रचनेच्या दिशेने महत्त्वपूर्ण पाऊल टाकले आहे. पूर्वी 13 संचालकांची रचना असलेल्या संस्थेस उपनिबंधक कार्यालयाकडून 15 संचालकांची मंजुरी मिळाल्यानंतर, ही नवी भर घालण्यात आली आहे.

तानाजी सौंदडे – स्वप्नांची पायाभरणी करणारा नवा उपाध्यक्ष

संस्थेच्या स्थापनेत मोलाची भूमिका बजावणारे, सांगली जिल्ह्याचे ख्यातनाम स्टँप व्हेंडर आणि संस्थापक संचालक तानाजी पांडुरंग सौंदडे यांच्यावर संस्थेने विश्वास दाखवत उपाध्यक्षपदाची जबाबदारी सोपवली आहे.
ज्या काळात सहकार चळवळीचा मंद झोत पडत चालला होता, त्या काळात सौंदडे यांनी हा दिवा विझू दिला नाही. संस्थेच्या प्रत्येक कागदपत्रांची घडण, नियमांची आखणी आणि स्थापनेचे प्रारंभिक प्रयत्न तेच करत होते. दोन दशके त्यांनी संस्थेचे काम मन:पूर्वक सांभाळले आणि आज त्या सेवेची पावती म्हणजेच उपाध्यक्षपद!

नव्या चेहर्‍यांमुळे संस्थेला नवे बळ

सामाजिक भान आणि उद्योगशीलता यांचा सुरेख संगम असलेल्या चार नव्या संचालकांची निवडही संस्थेने केली आहे.
राजेंद्र पाटील तलाठी – यापूर्वी तज्ज्ञ संचालक म्हणून काम पाहिलेले, तसेच समडोळी विकास सोसायटीचे यशस्वी चेअरमन म्हणून त्यांनी नेतृत्वाची चुणूक दाखवलेली आहे.
राहुल पाटील (मेडिकल) – आपल्या औषध व्यवसायात विश्वासार्हतेचं व्रत जपत, आरोग्यसेवा हेच आपलं कर्तव्य मानणारे युवा उद्योजक.
राहुल जाधव – गावातील प्रतिष्ठित औषध दुकानदार.
संकेत पाटील – कंत्राटदार म्हणून नावारूपाला आलेले, विकासकामांमध्ये पारदर्शकता आणि गुणवत्ता जपणारे नवे संचालक.

तज्ज्ञ संचालक म्हणून प्रगतशील शेतकर्‍याची निवड

संस्थेच्या निर्णय प्रक्रियेत ग्रामीण अर्थव्यवस्थेचा थेट अनुभव असावा म्हणून प्रगतशील शेतकरी किरण पाटील चिट्टे यांची तज्ज्ञ संचालक म्हणून निवड करण्यात आली आहे. वारणा ग्रामीण बिगरशेती पतसंस्थेत त्यांनी यापूर्वी संचालक म्हणून चांगले काम केले आहे.

shantisagar-sosayti-samdoli-a-new-era-of-cooperation-inclusiveness-and-vision-in-leadership

जनतेच्या विश्वासाचा विजय

शांतीसागर को-ऑप क्रेडिट सोसायटीचं यश हे केवळ आकड्यांमध्ये मोजता येणारं नाही, तर जनतेच्या विश्वासाचं, मेहनतीचं आणि सहकारभावनेचं प्रतीक आहे.
गेल्या 20 वर्षांपासून गोरगरीब, सर्वसामान्य आणि उपेक्षित घटकांसाठी आर्थिक मदतीचा हात पुढे करणारी ही संस्था, आता जिल्ह्यात आदर्श संस्थेच्या रूपात नावारूपाला आली आहे. नवीन नेतृत्व, उत्साही संचालक मंडळ आणि स्पष्ट आर्थिक धोरणं याच्या बळावर शांतीसागर सोसायटीचा नावलौकिक आणखी उंचावणार हे निश्चित!

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.