sangli news : खासदार विशाल पाटील यांनी नुकतीच भाजपवर “दादा घराणं फोडल्याचा” आरोप केला. परंतु हे ऐकून जाणकारांच्या भुवया न उंचावता राहिल्या नाहीत. कारण या घराण्यात फुटीची पहिली बीजं 1995 सालीच रोवली गेली होती.. फूट 1995 ची….आरोप आजचा 

दिनेशकुमार ऐतवडे 9850652056

vasantdada patil sangli news : फूट 1995 ची….आरोप आजचा ” राजकारण हे क्षणिक गाठींचं नव्हे, तर पिढ्यान् पिढ्यांचं सत्तासंस्करण असतं.
सांगलीच्या मातीत रुजलेलं दादा घराणं, केवळ राजकारणातलं एक वटवृक्ष नव्हे, तर ग्रामीण जनतेच्या विश्वासाचं प्रतीक होतं. पण वृक्षाच्या फांद्या जशा एकमेकांपासून वेगळ्या दिशांना वाढतात, तसंच काहीसं या घराण्याचंही झालं. आणि हे वेगळेपण कुठल्यातरी पक्षानं काल-परवाच घडवलं, असा आरोप करणे म्हणजे इतिहासाच्या वस्तुस्थितीवर पांढरा फास टाकण्यासारखं आहे.

vasantdada patil sangli news : फूट 1995 ची….आरोप आजचा

✦ 1995: सुरुवातीची सल

सांगली विधानसभेच्या रिंगणात प्रकाशबापूंना उमेदवारी मिळते आणि त्याच घरातील मदन पाटील अपक्ष म्हणून उठून उभे राहतात. दोन सख्ख्या विचारधारेतली ही पहिली उभी भिंत. त्यांच्या संघर्षात संभाजी पवार निवडून येतात, पण खरा पराभव दादा घराण्याच्या एकतेचा होतो. इथेच सुरूवात झाली एका सांस्कृतिक आणि राजकीय वारशाच्या दरडफटीची.

✦ 1999: राष्ट्रवादीच्या उंबरठ्यावर झालेली पेरणी

राष्ट्रवादी काँग्रेसची स्थापना म्हणजे महाराष्ट्रातील अनेक घराण्यांसाठी धक्का होता. प्रकाशबापूंनी काँग्रेसमध्येच रहायचं ठरवलं, पण विष्णू अण्णा पाटील यांच्या मनात राष्ट्रवादीची ओढ. दुसरीकडे, मदन पाटील यांनी त्याला ठाम विरोध केला. ही वैचारिक भिंत इतकी ठळक झाली, की घरातील टीव्हीही फुटला आणि अखेर घरही.

✦ घराच्या भिंती झाल्या दोन गट

1999 साली प्रकाशबापू विरुद्ध मदन पाटील अशी लोकसभा निवडणूक रंगते. बंधूंची लढाई जनतेसमोर उघड होते. पराभव कुणाचा झाला, हे महत्त्वाचं नाही, तर घराचं विभाजन किती खोलवर गेलं हे दाखवणारी ती निवडणूक होती.

2004 मध्ये मदन पाटलांना राष्ट्रवादीने उमेदवारी नाकारली आणि त्यांनी अपक्ष म्हणून विजय मिळवला. यातूनही पक्षीय निष्ठेपेक्षा स्वतःच्या अस्तित्वासाठी चाललेली लढाई अधोरेखित झाली.

✦ संस्थांवरही फुटीचा परिणाम

दादा घराण्याच्या प्रभावाखालील संस्था – वसंतदादा शेतकरी साखर कारखाना, सांगली बँक, शेतकरी बँक, बाजार समिती – या सर्व ठिकाणी गटातटांचे सावट निर्माण झाले. सत्तेच्या खुर्चीसाठी संघर्ष इतका तीव्र झाला, की संस्था सक्षम होण्याऐवजी कमकुवत होऊ लागल्या.

vasantdada patil sangli news : Foot 1995….allegation today”

एका निवडणुकीत मदन पाटील पराभूत झाले, दुसऱ्यात प्रकाशबापूंनी विष्णू अण्णांचा गट हरवला. शेवटी या दोन फांद्या एकमेकांना सावली देऊ शकल्या नाहीत, उलट जळजळीत उन्हात झुडुपांसारख्या कोमेजत राहिल्या.

हेही आवर्जुन वाचा

जयश्रीताईंच्या प्रवेशामुळे अनेक प्रभागात होणार भाजपची गोची

सत्तेची साखळी की संघर्षाचा धूर? सांगलीवाडीच्या राजकारणात नवा रंग

शिवाजीराव नाईक : शेवटचा अध्याय, की नव्या युगाची सुरुवात?

भाजपने दादा घराण्यातदेखील फूट पाडली : खा. विशाल पाटील

✦ जयश्री पाटील प्रकरण आणि राजकीय निष्ठेचा तिढा

विशाल पाटील काँग्रेसला पाठिंबा देतात पण जयश्री पाटलांच्या प्रचारात उत्साह दाखवत नाहीत. पक्षाने जयश्रीताईंना हाकलले पण परत घेण्याची इच्छाही दाखवली नाही. जयश्री पाटील भाजपकडे वळतात. आणि आज विशाल पाटील भाजपवर फूट घडवल्याचा आरोप करतात?

✦ निष्कर्ष: फूट काही आजची नव्हे. vasantdada patil sangli news : फूट 1995 ची….आरोप आजचा “

“दादा घराणं” ही केवळ राजकीय सत्तेची गादी नव्हती, ती सामाजिक शिस्तीची वसाहत होती. परंतु 1995 पासून सुरू झालेली अहंकार, महत्वाकांक्षा आणि वैचारिक विसंवादांची स्पर्धा घराच्या एकतेला पोखरत गेली.

भाजपने आज काय केलं, हा प्रश्न दुय्यम आहे. खरा प्रश्न आहे – घरातली एकता आधीच कधी हरवली? आणि उत्तर स्पष्ट आहे – ती फूट 1995 मध्येच पेरली गेली होती.

“भिंती पडल्या की माणसं वेगळी होतात, पण विचारशक्ती हरवली की घराणं हरवतं.

 *अधिक माहितीसाठी

https://www.myriyansh.com

येथे clik kara*

Author: Rajkiya Live

दिनेशकुमार ऐतवडे रा. समडोली ता. मिरज जि. सांगली हे गेल्या 25 वर्षांपासून पत्रकारिता क्षेत्रात आहेत. Bsc झाल्यानंतर शांतीनिकेतन मधून पत्रकारितेची पदवी घेतली. 1999 मध्ये त्यांनी लोकमत मधून आपल्या कामाला सुरुवात केली. त्यानंतर 1 एप्रिल 2000 ते 20 jully 2020 परेंत तरुण भारत च्या सांगली आवृत्ती मध्ये उपसंपादक पदावर काम केले. सध्या ते दैनिक जनप्रवास मध्ये उपसंपादक म्हणून काम करीत आहेत. राजकारण हा त्यांच्या मुख्य विषय आहे. सांगली, कोल्हापूर, आणि हातकणंगले लोकसभा मतदार संघावर त्यांनी भरपूर लिखाण केले आहे.